ਪੀਲ ਪੁਲਿਸ ਨੇ ਦੋ ਪੰਜਾਬੀ ਨੌਜਵਾਨਾਂ ਨੂੰ ਗੋਲੀਬਾਰੀ, ਹਥਿਆਰ ਰੱਖਣ ਅਤੇ ਨਸ਼ੇ ਦੇ ਮਾਮਲੇ ਵਿਚ ਕੀਤਾ ਗ੍ਰਿਫਤਾਰ

ਓਨਟਾਰੀਓ ਦੀ ਪੀਲ ਪੁਲਿਸ ਨੇ 20 ਕੁ ਸਾਲ ਦੇ ਦੋ ਪੰਜਾਬੀ ਨੌਜਵਾਨਾਂ ਨੂੰ ਗੋਲੀਬਾਰੀ ਅਤੇ ਹਥਿਆਰ ਰੱਖਣ ਤੇ ਨਸ਼ੇ ਦੇ ਮਾਮਲੇ ਵਿਚ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਉਸ ਨੇ 24 ਅਪ੍ਰੈਲ 2025 ਨੂੰ ਬਰੈਂਪਟਨ ਸ਼ਹਿਰ ਦੇ ਰੇਨਡ੍ਰੌਪ ਟੈਰੇਸ ਅਤੇ ਮਿਸੀਸਾਗਾ ਰੋਡ ਦੇ ਇਲਾਕੇ ਵਿਚ ਇੱਕ ਰਿਹਾਇਸ਼ 'ਤੇ ਹੋਈ ਗੋਲੀਬਾਰੀ ਦੀ ਜਾਂਚ ਸ਼ੁਰੂ ਕੀਤੀ।

4 ਜੂਨ ਨੂੰ ਜਾਂਚਕਰਤਾ ਨੇ ਸਵੈਂਟਨ ਰੋਡ ਤੇਵਿਕਟੋਰੀਆਵਿਲ ਰੋਡ ਦੀ ਇੱਕ ਰਿਹਾਇਸ਼ 'ਤੇ ਸਰਚ ਵਾਰੰਟ 'ਤੇ ਛਾਪੇਮਾਰੀ ਕੀਤੀ, ਜਿਸ ਦੌਰਾਨ ਮੁਲਜ਼ਮਾਂ ਕੋਲੋਂ 9mm ਗਲੋਕ ਗੰਨ, 16 ਰਾਊਂਡ ਕਾਰਤੂਸ ਦੇ ਨਾਲ 17-ਰਾਊਂਡ ਮੈਗਜ਼ੀਨ ਅਤੇ ਵੱਡੀ ਮਾਤਰਾ ਵਿਚ ਬਲੈਕ ਟਾਰ ਹੈਰੋਇਨ ਬਰਾਮਦ ਹੋਈ।

ਪੀਲ ਪੁਲਿਸ ਨੇ 23 ਸਾਲਾ ਮਨਿੰਦਰ ਸਿੰਘ ਨੂੰ ਹਥਿਆਰ ਨਾਲ ਸਬੰਧਤ ਕਈ ਦੋਸ਼ਾਂ ਅਤੇਤਸਕਰੀ ਦੇ ਉਦੇਸ਼ ਨਾਲ ਇਨ੍ਹਾਂ ਨੂੰ ਰੱਖਣ ਦੇ ਦੋਸ਼ ਲਗਾਏ ਹਨ। ਉਥੇ ਹੀ, 24 ਸਾਲਾ ਤੀਰਥ ਸਿੰਘ ਨੂੰ ਜਾਣਬੁੱਝ ਕੇ ਲਾਪਰਵਾਹੀ ਨਾਲ ਗੋਲੀ ਚਲਾਉਣ ਦੇ ਮਾਮਲੇ ਵਿਚ ਚਾਰਜ ਕੀਤਾ ਹੈ।