19.86C Vancouver 19.86C VancouverJul 15, 2025 7:49 PM - Connect Newsroom
ਓਨਟਾਰੀਓ ਦੀ ਪੀਲ ਪੁਲਿਸ ਨੇ ਘਰਾਂ ਵਿਚ ਹਿੰਸਕ ਹਮਲੇ ਅਤੇ ਕਾਰ ਚੋਰੀਆਂ ਨਾਲ ਦਹਿਸ਼ਤ ਪੈਦਾ ਕਰਨ ਵਾਲੇ ਕ੍ਰਿਮੀਨਲ ਨੈੱਟਵਰਕ ਦੇ 13 ਮੈਂਬਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ਵਿਚ ਮੁਹੰਮਦ ਮੁਨਜ਼ੀਰ ਸੁਲਤਾਨ, ਮਿਰਜ਼ਾ ਅਰਫੀਨ, ਮੁਸਤਫਾ ਅਲਾਬਦ ਅਤੇ ਅਰਬਾਜ਼ ਆਮਿਰ ਸਮੇਤ ਹੋਰ 15 ਤੋਂ 16 ਸਾਲ ਦੇ ਨੌਜਵਾਨ ਸ਼ਾਮਲ ਹਨ।
ਮੰਗਲਵਾਰ ਦੁਪਹਿਰ ਨੂੰ ਪੀਲ ਰੀਜਨਲ ਪੁਲਿਸ ਹੈੱਡਕੁਆਰਟਰ ਵਿਖੇ ਇੱਕ ਨਿਊਜ਼ ਕਾਨਫਰੰਸ ਵਿਚ ਪ੍ਰੋਜੈਕਟ ਗੋਸਟ ਨਾਮਕ ਓਪਰੇਸ਼ਨ ਦੀ ਜਾਂਚ ਦੇ ਵੇਰਵਿਆਂ ਦਾ ਐਲਾਨ ਕੀਤਾ ਗਿਆ। ਪੁਲਿਸ ਨੇ ਕਿਹਾ ਕਿ ਗਿਰੋਹ ਦੇ 13 ਮੈਂਬਰਾਂ ਵਿਰੁੱਧ ਕੁੱਲ 197 ਅਪਰਾਧਿਕ ਦੋਸ਼ ਲਗਾਏ ਗਏ ਹਨ। ਖਾਸ ਗੱਲ ਇਹ ਹੈ ਕਿ 13 ਵਿਚੋਂ 5 ਸ਼ੱਕੀ ਹੁਣ ਜ਼ਮਾਨਤ 'ਤੇ ਬਾਹਰ ਹਨ।
ਪੁਲਿਸ ਨੇ ਕਿਹਾ ਕਿ ਮੁਲਜ਼ਮਾਂ ਕੋਲੋਂ ਲਗਜ਼ਰੀ ਵਾਹਨਾਂ ਅਤੇ ਮਹਿੰਗੀ ਜਿਊਲਰੀ ਸਮੇਤ $1.8 ਮਿਲੀਅਨ ਦਾ ਚੋਰੀ ਦਾ ਸਮਾਨ ਜ਼ਬਤ ਕੀਤਾ ਗਿਆ ਹੈ। ਪੀਲ ਪੁਲਿਸ ਨੇ ਕਿਹਾ ਕਿ ਇਹ ਜਾਂਚ ਉਦੋਂ ਤੋਂ ਚੱਲ ਰਹੀ ਸੀ ਜਦੋਂ 1 ਅਗਸਤ 2024 ਨੂੰ ਦੋ ਘਰਾਂ ਵਿਚ ਹਮਲਾ ਕਰ ਕੇ ਚੋਰੀ ਦੀਆਂ ਵਾਰਦਾਤਾਂ ਹੋਈਆਂ ਸਨ।
