19.69C Vancouver 19.69C VancouverJan 3, 2025 7:56 PM - The Canadian Press
ਚਿਲੀਵੈਕ ਵਿਚ ਸ਼ੁੱਕਰਵਾਰ ਸਵੇਰੇ ਇੱਕ ਵਿਅਕਤੀ ਦੀ ਟਰੇਨ ਦੀ ਲਪੇਟ ਵਿਚ ਆਉਣ ਨਾਲ ਮੌਤ ਹੋ ਗਈ। ਜਾਂਚਕਰਤਾ ਵਲੋਂ ਉਸ ਦੀ ਪਛਾਣ ਕੀਤੀ ਜਾ ਰਹੀ ਹੈ। ਇਹ ਹਾਦਸਾ ਯੇਲ ਰੋਡ ਓਵਰਪਾਸ ਅਤੇ ਮੈਕਿੰਟੋਸ਼ ਡਰਾਈਵ ਦੇ ਨੇੜੇ ਵਾਪਰਿਆ, ਅੱਪਰ ਫਰੇਜ਼ਰ ਵੈਲੀ ਆਰਸੀਐਮਪੀ ਨੇ ਇੱਕ ਬਿਆਨ ਵਿਚ ਇਸ ਦੀ ਜਾਣਕਾਰੀ ਦਿੱਤੀ।
ਪੁਲਿਸ ਨੇ ਕਿਹਾ ਕਿ ਫਰੰਟਲਾਈਨ ਅਧਿਕਾਰੀ ਨੂੰ ਤੜਕੇ ਕਰੀਬ 3.19 ਵਜੇ ਇੱਕ ਪੈਦਲ ਯਾਤਰੀ ਦੇ ਟਰੇਨ ਦੀ ਲਪੇਟ ਵਿਚ ਆਉਣ ਦੀ ਰਿਪੋਰਟ ਮਿਲੀ, ਜਦੋਂ ਔਫੀਸਰ ਪਹੁੰਚੇ ਤਾਂ ਉਹਨਾਂ ਨੂੰ ਔਰਤ ਦੀ ਲਾਸ਼ ਮਿਲੀ, ਜਿਸ ਦੀ ਫਿਲਹਾਲ ਪਛਾਣ ਨਹੀਂ ਹੋ ਸਕੀ ਹੈ। ਪੁਲਿਸ ਨੇ ਕਿਹਾ ਕਿ ਘਟਨਾ ਸ਼ੱਕੀ ਨਹੀਂ ਲੱਗਦੀ ਪਰ ਜਾਂਚ ਚੱਲ ਰਹੀ ਹੈ।
ਉਥੇ ਹੀ, ਇਸੇ ਤਰ੍ਹਾਂ ਦਾ ਇੱਕ ਹਾਦਸਾ ਮੈਪਲ ਰਿਜ ਵਿਚ ਲੇਟੀ ਸਟਰੀਟ ਅਤੇ ਲਾਕੀਡ ਹਾਈਵੇਅ ਦੇ ਇੰਟਰਸੈਕਸ਼ਨ ’ਤੇ ਵੀਰਵਾਰ ਸ਼ਾਮ ਹੋਇਆ, ਜਿੱਥੇ ਇੱਕ ਪੈਦਲ ਯਾਤਰੀ ਨੂੰ ਕਾਰ ਨੇ ਟੱਕਰ ਮਾਰ ਦਿੱਤੀ। ਪੀੜਤ ਨੂੰ ਗੈਰ ਜਾਨਲੇਵਾ ਸੱਟਾਂ ਨਾਲ ਹਸਪਤਾਲ ਲਿਜਾਇਆ ਗਿਆ। ਪੁਲਿਸ ਨੇ ਕਿਹਾ ਕਿ ਕਾਰ ਡਰਾਈਵਰ ਮੌਕੇ ’ਤੇ ਹੀ ਸੀ।
