11.71C Vancouver 11.71C VancouverJan 29, 2021 1:52 AM -
ਫੈਸ਼ਨ ਮੋਗੁਲ ਪੀਟਰ ਨੇਗਾਰਡ ਦੇ ਵਕੀਲਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਇੱਕ ਸਿਕਿਉਰਿਟੀ ਕੰਪਨੀ ਨਾਲ ਤਾਲਮੇਲ ਬਿਠਾਇਆ ਹੈ ਅਤੇ ਇਹ ਕੰਪਨੀ ਪੁਖਤਾ ਕਰੇਗੀ ਕਿ ਉਨ੍ਹਾਂ ਦਾ ਕਲਾਈਂਟ ਬੇਲ 'ਤੇ ਛੱਡੇ ਜਾਣ ਤੋਂ ਬਾਅਦ ਨਿਯਮਾਂ ਦੀ ਪਾਲਣਾ ਕਰੇ।
ਇਹ ਗੱਲ ਇਕ ਜੱਜ ਦੇ ਸਾਹਮਣੇ ਆਖੀ ਗਈ ਹੈ।
ਵਿਨੀਪੈਗ ਦੇ ਵਿੱਚ 79 ਸਾਲਾ ਨੇਗਾਰਡ ਨੂੰ ਬੀਤੇ ਮਹੀਨੇ ਗ੍ਰਿਫਤਾਰ ਕੀਤਾ ਗਿਆ ਸੀ।
ਇਸ 'ਤੇ ਅਮਰੀਕਾ 'ਚ ਸੈਕਸ ਟ੍ਰੈਫਿਕਿੰਗ ਅਤੇ ਰੈਕੀਟੀਅਰਿੰਗ ਦੇ 9 ਦੋਸ਼ ਲੱਗੇ ਹਨ।
ਫੈਡਰਲ ਵਕੀਲਾਂ ਦਾ ਕਹਿਣਾ ਹੈ ਕਿ ਨੇਗਾਰਡ ਨੂੰ ਹਿਰਾਸਤ 'ਚ ਹੀ ਰੱਖਿਆ ਜਾਵੇ।
ਉਨ੍ਹਾਂ ਪੁੱਛਿਆ ਕਿ ਨੇਗਾਰਡ ਨੇ ਦੱਸਿਆ ਸੀ ਕਿ ਉਸ ਦੀ ਵਿੱਤੀ ਹਾਲਤ ਠੀਕ ਨਹੀਂ ਹੈ, ਫਿਰ ਇੱਕ ਸਿਕਿਉਰਿਟੀ ਫਰਮ ਦੇ ਖਰਚੇ ਕਿਵੇਂ ਚੁੱਕੇ ਜਾਣਗੇ।
ਪੀਟਰ ਨੇਗਾਰਡ ਨੂੰ ਇੱਕ ਹਫ਼ਤਾ ਹੋਰ ਸਲਾਖਾਂ ਪਿੱਛੇ ਬਿਤਾਉਣਾ ਪਵੇਗਾ।
ਉਸ ਦੇ ਵਕੀਲਾਂ ਦੀਆਂ ਦਲੀਲਾਂ ਦੇ ਬਾਵਜੂਦ ਨੇਗਾਰਡ ਨੂੰ ਰਾਹਤ ਨਹੀਂ ਮਿਲੀ।
ਜਸਟਿਸ ਸ਼ੌਨ ਗ੍ਰੀਨਬਰਗ ਨੇ ਕਿਹਾ ਕਿ ਉਨ੍ਹਾਂ ਨੂੰ ਹੋਰ ਸਮੇਂ ਦੀ ਲੋੜ ਹੈ ਤਾਂ ਜੋ ਉਹ ਚਿੰਤਨ ਕਰ ਸਕਣ ਕਿ ਨੇਗਾਰਡ ਨੂੰ ਛੱਡਿਆ ਜਾਵੇ ਜਾਂ ਨਹੀਂ।
