12.93C Vancouver 12.93C VancouverNov 8, 2023 7:54 PM - The Canadian Press
ਬੀਸੀ ਦੇ ਸਿੱਖਿਆ ਮੰਤਰੀ ਅਤੇ ਸਰੀ ਗ੍ਰੀਨ ਟਿੰਮਬਰਸ ਤੋਂ ਵਿਧਾਇਕ ਰਚਨਾ ਸਿੰਘ ਨੂੰ ਹਟਾਉਣ ਲਈ ਇਲੈਕਸ਼ਨ ਬੀਸੀ ਕੋਲ ਇੱਕ ਪਟੀਸ਼ਨ ਫਾਈਲ ਕੀਤੀ ਗਈ ਹੈ।
ਹਾਲਾਂਕਿ, ਇਸ ਦੀ ਪੁਸ਼ਟੀ ਨਹੀਂ ਹੋ ਸਕੀ ਕਿ ਇਹ ਕਿਸ ਨੇ ਫਾਈਲ ਕੀਤੀ ਹੈ ਪਰ ਫ੍ਰੀਡਮ ਪਾਰਟੀ ਦੇ ਲੀਡਰ ਅੰਮ੍ਰਿਤ ਬੜਿੰਗ ਨੇ ਸੋਸ਼ਲ ਮੀਡੀਆ 'ਤੇ ਇਸ ਸਬੰਧੀ ਕਈ ਵੀਡੀਓ ਪੋਸਟ ਕਰਕੇ ਰਚਨਾ ਸਿੰਘ ਖਿਲਾਫ ਆਵਾਜ਼ ਉਠਾਈ ਹੈ।
@recallrachna- username ਨਾਲ ਕਈ ਸੋਸ਼ਲ ਮੀਡੀਆ ਵੈੱਬਸਾਈਟਸ 'ਤੇ ਪੋਸਟ ਕੀਤੇ ਗਏ ਵੀਡੀਓ ਵਿੱਚ ਬੜਿੰਗ ਨੇ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਰਚਨਾ ਸਿੰਘ ਨੂੰ ਬੀ.ਸੀ. ਦੇ ਸਿੱਖਿਆ ਮੰਤਰੀ ਵਜੋਂ ਹਟਾਇਆ ਜਾਵੇ ਕਿਉਂਕਿ ਉਹ ਮੰਨਦੇ ਹਨ ਕਿ ਸੂਬੇ ਦੇ ਸਕੂਲਾਂ ਵਿੱਚ ਉਨ੍ਹਾਂ ਦੀ ਦੇਖ-ਰੇਖ ਵਿੱਚ ਬੱਚਿਆਂ ਦਾ ਜਿਨਸੀ ਸ਼ੋਸ਼ਣ ਵੱਧ ਰਿਹਾ ਹੈ।
ਬੜਿੰਗ ਨੇ ਕਿਹਾ ਕਿ ਫ੍ਰੀਡਮ ਪਾਰਟੀ ਮਾਪਿਆਂ ਦੇ ਅਧਿਕਾਰ ਦੀ ਵਕਾਲਤ ਕਰਦੀ ਹੈ ਅਤੇ ਉਹ ਜਿਨਸੀ ਰੁਝਾਨ ਅਤੇ ਲਿੰਗ ਪਛਾਣ ਪਾਠਕ੍ਰਮ ਦੇ ਵਿਰੋਧੀ ਹਨ ਕਿਉਂਕਿ ਇਸ ਨਾਲ ਮਾਪਿਆਂ ਅਤੇ ਬੱਚਿਆਂ ਦੀ ਇਜਾਜ਼ਤ ਬਿਨਾਂ ਉਨ੍ਹਾਂ ਦੇ ਅਧਿਕਾਰ ਦੀ ਉਲੰਘਣਾ ਹੁੰਦੀ ਹੈ।
ਜਾਣਕਾਰੀ ਮੁਤਾਬਕ, ਰਚਨਾ ਸਿੰਘ ਖਿਲਾਫ਼ ਪਟੀਸ਼ਨ 24 ਅਕਤੂਬਰ ਨੂੰ ਫਾਈਲ ਕੀਤੀ ਗਈ ਸੀ, ਜਿਸ ਨੂੰ ਮਨਜ਼ੂਰੀ ਮਿਲਣੀ ਬਾਕੀ ਹੈ।
