12.06C Vancouver 12.06C VancouverMay 5, 2021 3:28 PM -
ਹੈਲਥ ਕੈਨੇਡਾ ਵਲੋਂ ਫਾਈਜ਼ਰ-ਬਾਇਓਐਨਟੈਕ ਵੈਕਸੀਨ ਨੂੰ 12 ਤੋਂ 15 ਸਾਲ ਦੇ ਬੱਚਿਆਂ ਲਈ ਮਨਜ਼ੂਰੀ ਦੇ ਦਿੱਤੀ ਗਈ ਹੈ।
ਪਹਿਲਾਂ ਇਹ ਵੈਕਸੀਨ 16 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਹਾਸਿਲ ਕਰਨ ਦੀ ਇਜਾਜ਼ਤ ਸੀ।
ਅਮਰੀਕਾ ਦੇ ਵਿੱਚ 2,200 ਤੋਂ ਵੱਧ ਬੱਚਿਆਂ 'ਤੇ ਕੀਤੇ ਇੱਕ ਟ੍ਰਾਈਲ ਦੌਰਾਨ ਵੈਕਸੀਨ ਹਾਸਿਲ ਕਰ ਚੁੱਕੇ ਬੱਚਿਆਂ ਵਿੱਚ ਕੋਵਿਡ-19 ਦਾ ਕੋਈ ਵੀ ਮਾਮਲਾ ਰਿਪੋਰਟ ਨਹੀਂ ਕੀਤਾ ਗਿਆ।
ਹੈਲਥ ਕੈਨੇਡਾ ਦੀ ਪ੍ਰਮੁੱਖ ਮੈਡੀਕਲ ਸਲਾਹਕਾਰ ਡਾ. ਸੁਪ੍ਰੀਆ ਸ਼ਰਮਾ ਮੁਤਾਬਕ ਸਟੱਡੀ ਇਸ ਗੱਲ ਦੀ ਪੁਸ਼ਟੀ ਕਰਦੀ ਹੈ ਕਿ ਵੈਕਸੀਨ ਇਸ ਉਮਰ ਦੇ ਬੱਚਿਆਂ ਲਈ ਸੁਰੱਖਿਅਤ ਅਤੇ ਅਸਰਦਾਰ ਹੈ।
ਇਸ ਟ੍ਰਾਈਲ ਦੌਰਾਨ ਬੱਚਿਆਂ ਨੂੰ ਵੀ ਬਾਲਗ ਵਿਅਕਤੀਆਂ ਵਾਂਗ ਟੀਕੇ ਦੀਆਂ ਦੋ ਖੁਰਾਕਾਂ ਦਿੱਤੀਆਂ ਗਈਆਂ ਸਨ।
ਬੱਚਿਆਂ ਲਈ ਮਨਜ਼ੂਰ ਕੀਤੀ ਗਈ ਫਾਈਜ਼ਰ-ਬਾਇਓਐਨਟੈਕ ਵੈਕਸੀਨ ਪਹਿਲੀ ਵੈਕਸੀਨ ਹੈ।
