18.33C Vancouver 18.33C VancouverNov 9, 2020 4:34 PM -
ਕੋਵਿਡ-19 ਵੈਕਸੀਨ ਕੈਂਡੀਡੇਟਸ 'ਚ ਸ਼ਾਮਿਲ ਕੰਪਨੀ, ਫਾਈਜ਼ਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਵੈਕਸੀਨ ਟੈਸਟਿੰਗ ਦੇ ਆਖਰੀ ਦੌਰ 'ਚ ਕਾਮਯਾਬੀ ਦੇ ਸੰਕੇਤ ਮਿਲ ਰਹੇ ਹਨ।
ਫਾਈਜ਼ਰ ਦਾ ਕਹਿਣਾ ਹੈ ਕਿ ਟ੍ਰਾਇਲਸ ਦੌਰਾਨ ਪ੍ਰਿਲਿਮਨਰੀ ਡਾਟਾ ਦਰਸ਼ਾਉਂਦਾ ਹੈ ਕਿ ਉਨ੍ਹਾਂ ਦੀ ਵੈਕਸੀਨ 90% ਅਸਰਦਾਰ ਹੋਣ ਦੇ ਸੰਕੇਤ ਮਿਲੇ ਹਨ।
ਹਾਲਾਂਕਿ ਦੱਸਿਆ ਗਿਆ ਕਿ ਅਜੇ ਕੁਝ ਸਵਾਲਾਂ ਦੇ ਜਵਾਬ ਹਾਸਿਲ ਕਰਨਾ ਬਾਕੀ ਹੈ।
ਇਸ 'ਚ ਇਹ ਵੀ ਵੇਖਿਆ ਜਾਵੇਗਾ ਕਿ ਵੈਕਸੀਨ ਕਿੰਨੀ ਕੁ ਪ੍ਰਭਾਵਸ਼ਾਲੀ ਹੈ, ਅਤੇ ਇਸ ਦੇ ਯੁਵਾ ਵਰਗ ਅਤੇ ਵੱਡੀ ਉਮਰ ਦੇ ਲੋਕਾਂ 'ਤੇ ਕਿਸ ਕਿਸਮ ਦੇ ਅਤੇ ਕਿੰਨੇ ਲੰਮੇ ਅਸਰ ਹਨ।
ਯਾਦ ਰਹੇ ਔਟਵਾ ਨੇ ਫਾਈਜ਼ਰ ਦੇ ਨਾਲ ਵੈਕਸੀਨ ਦੇ 20 ਮਿਲੀਅਨ ਡੋਜ਼ ਦਾ ਕਰਾਰ ਕੀਤਾ ਹੈ।
ਬਾਈਡਨ ਦੇ ਰਾਸ਼ਟਰਪਤੀ ਤੇ ਫਾਈਜ਼ਰ ਦੇ ਵੈਕਸੀਨ ਸੰਬੰਧੀ ਐਲਾਨ ਤੋਂ ਬਾਅਦ ਬਾਜ਼ਾਰ 'ਚ ਤੇਜ਼ੀ
ਜੋ ਬਾਈਡਨ ਨੂੰ ਅਮਰੀਕੀ ਰਾਸ਼ਟਰਪਤੀ ਵਜੋਂ ਐਲਾਨਿਆ ਜਾਣਾ ਅਤੇ ਫਾਈਜ਼ਰ ਵੱਲੋਂ ਕੋਵਿਡ-19 ਸੰਬੰਧੀ ਵੈਕਸੀਨ 'ਚ ਮਿਲੀ ਸ਼ੁਰੂਆਤੀ ਕਾਮਯਾਬੀ ਦੀ ਖਬਰ ਨਾਲ ਸਟੌਕ ਮਾਰਕਿਟ 'ਚ ਵੱਡਾ ਵਾਧਾ ਦਰਜ ਕੀਤਾ ਗਿਆ ਹੈ।
ਅਮਰੀਕਾ ਦੇ ਚੋਣ ਨਤੀਜਿਆਂ ਤੋਂ ਬਾਅਦ, ਬਾਜ਼ਾਰ ਪਹਿਲਾਂ ਹੀ ਉੱਚਾ ਜਾ ਰਿਹਾ ਸੀ, ਪਰ ਉਸ ਦੇ ਨਾਲ ਫਾਈਜ਼ਰ ਵੱਲੋਂ ਕੀਤੇ ਗਏ ਐਲਾਨ ਤੋਂ ਬਾਅਦ ਬਾਜ਼ਾਰ 'ਚ ਹੋਰ ਤੇਜ਼ੀ ਦਰਜ ਕੀਤੀ ਗਈ।
ਡਾਓ 'ਚ 4.2% ਦਾ ਵਾਧਾ ਅਤੇ ਐਸ. ਐਂਡ ਪੀ. 500 'ਚ 3.1% ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
