23.61C Vancouver 23.61C VancouverJul 7, 2020 11:34 PM -
ਟੋਰੌਂਟੋ ਦੇ ਪੀਅਰਸਨ ਹਵਾਈ ਅੱਡੇ 'ਤੇ ਕੰਜ਼ਰਵੇਟਿਵ ਲੀਡਰ, ਐਂਡਰਿਊ ਸ਼ੀਅਰ ਨੂੰ ਮਾਸਕ ਦੇ ਬਿਨਾ ਵੇਖਿਆ ਗਿਆ।
ਸ਼ੀਅਰ ਦੀਆਂ ਇਹ ਤਸਵੀਰਾਂ ਚਰਚਾ ਦਾ ਵਿਸ਼ਾ ਬਣੀਆਂ ਹੋਈਆਂ ਹਨ।
ਇਸ ਨੂੰ ਹਵਾਈ ਅੱਡੇ 'ਤੇ ਮਾਸਕ ਪਹਿਨਣ ਦੇ ਨਿਯਮਾਂ ਦਾ ਉਲੰਘਣ ਦੱਸਿਆ ਜਾ ਰਿਹਾ ਹੈ।
ਸ਼ੀਅਰ ਦੀਆਂ ਦੋ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਸ ਵਿੱਚ ਇੱਕ ਮੌਕੇ ਉਹ ਕਈ ਲੋਕਾਂ ਨਾਲ ਲਾਉਂਜ 'ਚ ਬੈਠੇ ਵਿਖਾਈ ਦੇ ਰਹੇ ਹਨ, ਅਤੇ ਦੂਜੀ ਤਸਵੀਰ 'ਚ ਉਹ ਲੋਕਾਂ ਤੋਂ ਅਲੱਗ ਇੱਕ ਸੀਟ 'ਤੇ ਬੈਠੇ ਵਿਖਾਈ ਦੇ ਰਹੇ ਹਨ।
ਦੋਨਾਂ 'ਚ ਉਨ੍ਹਾਂ ਮਾਸਕ ਨਹੀਂ ਪਹਿਨਿਆ ਹੋਇਆ।
ਅਪ੍ਰੈਲ 'ਚ ਵੀ ਸ਼ੀਅਰ 'ਤੇ ਕੁਝ ਇਸੇ ਕਿਸਮ ਦੇ ਸਵਾਲ ਉੱਠੇ ਸਨ, ਜਦ ਉਨ੍ਹਾਂ ਆਪਣੇ ਪਰਿਵਾਰ ਨੂੰ ਇੱਕ ਸਰਕਾਰੀ ਫਲਾਈਟ 'ਤੇ ਲਿਆਂਦਾ ਸੀ, ਤਾਂ ਜੋ ਹਾਊਸ ਆਫ ਕਾਮਨਜ਼ 'ਚ ਪਹੁੰਚਿਆ ਜਾ ਸਕੇ, ਜਿਸ ਕਾਰਨ ਬਾਕੀਆਂ ਲਈ ਸ਼ਰੀਰਕ ਦੂਰੀ ਬਣਾ ਕੇ ਰੱਖਣਾ ਮੁਸ਼ਕਿਲ ਹੋ ਗਿਆ ਸੀ।
ਹਾਲਾਂਕਿ ਇੱਕ ਬੁਲਾਰੇ ਦਾ ਕਹਿਣਾ ਸੀ ਕਿ ਤਸਵੀਰਾਂ ਉਸ ਵੇਲੇ ਲਈਆਂ ਗਈਆਂ ਹੋਣੀਆਂ ਜਦ ਸ਼ੀਅਰ ਨੇ ਇੱਕ ਕਾਲ ਦੌਰਾਨ ਗੱਲਬਾਤ ਲਈ ਮਾਸਕ ਉਤਾਰਿਆ ਸੀ।
