ਪੀਅਰੇ ਪੋਲੀਵਰੇ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ’ਤੇ ਬੋਲਿਆ ਵੱਡਾ ਹਮਲਾ

ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਲੀਵਰੇ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ’ਤੇ ਵੱਡਾ ਹਮਲਾ ਬੋਲਿਆ ਹੈ। ਮਾਂਟਰੀਅਲ ਵਿਚ ਵੀਰਵਾਰ ਸਵੇਰ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਜਸਟਿਨ ਟਰੂਡੋ ਨੇ ਕੈਨੇਡਾ ਨੂੰ ਕਮਜ਼ੋਰ, ਗਰੀਬ ਅਤੇ ਡਿਫੈਂਸਲੈੱਸ ਕਰ ਦਿੱਤਾ ਹੈ।

ਪੋਲੀਵਰੇ ਨੇ ਕਿਹਾ ਕਿ ਕੈਨੇਡਾ ਨੂੰ ਪ੍ਰੋਟੈਕਟ ਕਰਨ ਲਈ ਟਰੂਡੋ ਦੇ ਨੈਸ਼ਨਲ ਡਿਫੈਂਸ ਪਲੈਨ ਜੋ ਬਾਈਡੇਨ ਅਤੇ ਟਰੰਪ ’ਤੇ ਨਿਰਭਰ ਹੋ ਗਏ ਹਨ, ਜੋ ਅਮਰੀਕਾ ਨੂੰ ਕੈਨੇਡਾ ਦੇ ਫਿਊਚਰ ਦਾ ਇੰਚਾਰਜ ਬਣਾ ਰਹੇ ਹਨ। ਪੋਲੀਵਰੇ ਨੇ ਕਿਹਾ ਕਿ ਮੈਂ ਅਜਿਹਾ ਨਹੀਂ ਹੋਣ ਦੇਵਾਂਗੇ, ਅਸੀਂ ਆਪਣੇ ਮੁਲਕ ਅਤੇ ਡਿਫੈਂਸ ਦਾ ਕੰਟਰੋਲ ਆਪਣੇ ਹੱਥਾਂ ਵਿਚ ਵਾਪਸ ਲਿਆਵਾਂਗੇ।

ਕੰਜ਼ਰਵੇਟਿਵ ਲੀਡਰ ਨੇ ਇਹ ਟਿੱਪਣੀ ਪੱਤਰਕਾਰਾਂ ਵਲੋਂ ਇਹ ਪੁੱਛੇ ਜਾਣ ’ਤੇ ਕੀਤੀ ਕਿ ਜੇ ਉਹ ਪੀ. ਐੱਮ. ਬਣੇ ਤਾਂ ਨਾਟੋ ਡਿਫੈਂਸ ਸਪੈਂਡਿੰਗ ਟਾਰਗੇਟ ਨੂੰ ਉਹ ਕਿਵੇਂ ਪੂਰਾ ਕਰਨਗੇ। ਉਨ੍ਹਾਂ ਕਿਹਾ ਕਿ ਕੰਜ਼ਰਵੇਟਿਵ ਸਰਕਾਰ ਕੈਨੇਡਾ ਦੀ ਡਿਫੈਂਸ ਤੇ ਮਿਲਟਰੀ ਨੂੰ ਮਜਬੂਤ ਕਰਨ ਲਈ ਉਨ੍ਹਾਂ ਫਾਲਤੂ ਵਿਦੇਸ਼ੀ ਮਦਦ ਨੂੰ ਬੰਦ ਕਰੇਗੀ ਜਿਸ ਦਾ ਫਾਇਦਾ ਤਾਨਾਸ਼ਾਹ ਅੱਤਵਾਦੀ ਅਤੇ ਬਹੁ-ਰਾਸ਼ਟਰੀ ਨੌਕਰਸ਼ਾਹਾਂ ਨੂੰ ਹੁੰਦਾ ਹੈ, ਦੂਜਾ ਹਰ ਲੈਵਲ ’ਤੇ ਹੋਣ ਵਾਲੀ ਕਰਪੱਸ਼ਨ ਨੂੰ ਖਤਮ ਕੀਤਾ ਜਾਵੇਗਾ। ਗੌਰਤਲਬ ਹੈ ਕਿ ਕੈਨੇਡਾ-ਫੌਜੀ ਖਰਚੇ ਵਿਚ ਹੋਰ ਨਾਟੋ ਮੈਂਬਰ ਦੇ ਮੁਕਾਬਲੇ ਕਾਫੀ ਪਿੱਛੇ ਹੈ।