ਪੀਅਰੇ ਪੋਲੀਵਰੇ ਨੇ ਜਸਟਿਨ ਟਰੂਡੋ ’ਤੇ ਸਾਧੇ ਤਿੱਖੇ ਨਿਸ਼ਾਨੇ

ਕੈਨੇਡਾ ਦੀ ਮੁੱਖ ਵਿਰੋਧੀ ਪਾਰਟੀ ਦੇ ਲੀਡਰ ਪੀਅਰੇ ਪੋਲੀਵਰੇ ਨੇ ਸੋਮਵਾਰ ਨੂੰ ਹਾਊਸ ਔਫ ਕੌਮਨਜ਼ ਦੀ ਕਾਰਵਾਈ ਦੇ ਪਹਿਲੇ ਦਿਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ’ਤੇ ਤਿੱਖੇ ਨਿਸ਼ਾਨੇ ਸਾਧੇ।

ਪੋਲੀਵਰ ਨੇ ਹਾਊਸਿੰਗ ਕੋਸਟ ਅਤੇ ਕ੍ਰਾਈਮ ਨੂੰ ਲੈ ਕੇ ਸਰਕਾਰ ਨੂੰ ਘੇਰਨ ਦੇ ਨਾਲ-ਨਾਲ ਟਰੂਡੋ ਦੇ ਸਾਸ਼ਨ ਵਿਚ ਕੈਨੇਡਾ ਦੇ ਬਹੁਤ ਜ਼ਿਆਦਾ ਡਿਵਾਇਡਡ ਹੋਣ ਦੇ ਵੀ ਦੋਸ਼ ਲਗਾਏ।

ਪੋਲੀਵਰੇ ਆਪਣੇ ਐੱਮ.ਪੀ. ਬੇਨ ਲੋਬ ਵਲੋਂ ਲਿਆਂਦੇ ਗਏ ਬਿੱਲ ਸੀ-234 ’ਤੇ ਬੋਲ ਰਹੇ ਸਨ, ਜਿਸ ਵਿਚ ਕਿਸਾਨਾਂ ਲਈ ਕਾਰਬਨ ਟੈਕਸ ਨੂੰ ਹਟਾਉਣ ਦੀ ਮੰਗ ਕੀਤੀ ਗਈ ਹੈ।

ਉਨ੍ਹਾਂ ਟਰੂਡੋ ਸਰਕਾਰ ’ਤੇ ਹਮਲਾ ਬੋਲਦਿਆਂ ਕਿਹਾ ਕਿ ਜੇ ਤੁਸੀਂ ਅੰਨਦਾਤਾ ਅਤੇ ਫੂਡ ਸਪਲਾਈ ਕਰਨ ਵਾਲੇ ਟਰੱਕਰ ’ਤੇ ਟੈਕਸ ਲੈ ਰਹੋ ਹੋ ਤਾਂ ਤੁਸੀਂ ਸਾਰੇ ਲੋਕਾਂ ’ਤੇ ਟੈਕਸ ਲਗਾ ਰਹੇ ਹੋ।

ਉਨ੍ਹਾਂ ਨੇ ਮਹਿੰਗਾਈ ਨੂੰ ਜਸਟਿਨ ਫਲੇਸ਼ਨ ਦਾ ਨਾਮ ਦਿੰਦਿਆਂ ਕਿਹਾ ਕਿ ਅੱਜ ਟਰੂਡੋ ਦੀਆਂ ਗਲਤੀਆਂ ਕਾਰਨ ਮਹਿੰਗਾਈ ਰਿਕਾਰਡ ਪੱਧਰ ’ਤੇ ਹੈ, ਸਾਰੇ ਕੈਨੇਡੀਅਨ ਇਸ ਦਾ ਬੋਝ ਉਠਾ ਰਹੇ ਹਨ।

ਕੰਜ਼ਰਵੇਟਿਵ ਨੇ ਇਸ ਦੌਰਾਨ ਕਿਸਾਨਾਂ ਦੇ ਸਮਰਥਨ ਲਈ ਇੱਕ ਮੁਹਿੰਮ ਵੀ ਸ਼ੁਰੂ ਕੀਤੀ ਹੈ ਜਿਸ ਵਿਚ ਲੋਕਾਂ ਨੂੰ ਐੱਨ.ਡੀ.ਪੀ. ਤੋਂ ਕੰਜ਼ਰਵੇਟਿਵ ਦੇ ਬਿੱਲ ਨੂੰ ਸਪੋਰਟ ਦਿਵਾਉਣ ਲਈ ਮੰਗ ਪੱਤਰ ਨੂੰ ਸਾਈਨ ਕਰਨ ਲਈ ਕਿਹਾ ਹੈ।