ਪੀਅਰ ਪੌਲੀਐਵ ਨੇ ਕਾਰਬਨ ਟੈਕਸ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ 'ਤੇ ਸਾਧਿਆ ਨਿਸ਼ਾਨਾ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਅੱਜ ਕਾਰਬਨ ਟੈਕਸ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ 'ਤੇ ਨਿਸ਼ਾਨਾ ਸਾਧਿਆ, ਉਨ੍ਹਾਂ ਕਿਹਾ ਕਿ ਕਾਰਨੀ ਕਾਰਬਨ ਟੈਕਸ 2.0 ਨਾਲ ਇਸ ਨੂੰ ਵਾਪਸ ਲੈ ਕੇ ਆ ਰਹੇ ਹਨ। ਪੌਲੀਐਵ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਇਸ ਨੂੰ ਕਲੀਨ ਫਿਊਲ ਸਟੈਂਡਰਡ ਨਾਮ ਦਿੱਤਾ ਹੈ ਅਤੇ ਪੀ.ਬੀ.ਓ.ਯਾਨੀ ਸੰਸਦੀ ਬਜਟ ਅਫਸਰ ਦੇ ਅਨੁਮਾਨ ਮੁਤਾਬਕ,ਇਸ ਨਾਲ ਗੈਸ ਕੀਮਤਾਂ ਵਿਚ ਪ੍ਰਤੀ ਲਿਟਰ 17 ਸੈਂਟ ਦਾ ਵਾਧਾ ਹੋਵੇਗਾ। ਪੌਲੀਐਵ ਨੇ ਕਿਹਾ ਕਿ ਇਹ ਨਵਾਂ ਟੈਕਸ ਪੁਰਾਣੇ ਟੈਕਸ ਵਰਗਾ ਹੀ ਦਿਸਣ ਵਾਲਾ ਹੈ।

ਉਨ੍ਹਾਂ ਅੱਗੇ ਕਿਹਾ ਕਿ ਮਾਰਕ ਕਾਰਨੀ ਨੂੰ ਲੱਗਾ ਕਿ ਸ਼ਾਇਦ ਇਸ ਬਾਰੇ ਕਿਸੇ ਨੂੰ ਪਤਾ ਨਹੀਂ ਲੱਗੇਗਾ ਪਰ ਕੰਜ਼ਰਵੇਟਿਵ ਦੇ ਧਿਆਨ ਵਿਚ ਆ ਗਿਆ। ਪੌਲੀਐਵ ਨੇ ਐਲਾਨ ਕੀਤਾ ਕਿ ਉਨ੍ਹਾਂ ਦੀ ਪਾਰਟੀ ਕਾਰਬਨ ਟੈਕਸ 2.0 ਦਾ ਵਿਰੋਧ ਕਰੇਗੀ ਅਤੇ ਪੁਰਾਣੇ ਕਾਰਬਨ ਟੈਕਸ ਨੂੰ ਵੀ ਪੂਰੀ ਤਰ੍ਹਾਂ ਖ਼ਤਮ ਕਰਨ ਦੀ ਮੰਗ ਕੀਤੀ ਜਾਵੇਗੀ।ਗੌਰਤਲਬ ਹੈ ਕਿ ਪੌਲੀਐਵ ਅੱਜ ਪ੍ਰਿੰਸ ਐਡਵਰਡ ਆਈਲੈਂਡ ਦੇ ਸ਼ਾਰਲਟਾਊਨ ਵਿਚ ਸਨ,ਜਿਥੇ ਉਨ੍ਹਾਂ ਪੱਤਰਕਾਰਾਂ ਨੂੰ ਸੰਬੋਧਨ ਕੀਤਾ।