11.28C Vancouver 11.28C VancouverFeb 21, 2024 6:16 PM - The Connect news
ਕੈਨੇਡਾ ਦੀ ਮੁੱਖ ਵਿਰੋਧੀ ਪਾਰਟੀ ਦੇ ਲੀਡਰ ਪੀਅਰੇ ਪੋਲੀਵਰੇ ਨੇ ਇਮੀਗ੍ਰੇਸ਼ਨ ਪਾਲਿਸੀ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ’ਤੇ ਅੱਜ ਵੱਡਾ ਹਮਲਾ ਬੋਲਿਆ।
ਪੋਲੀਵਰੇ ਨੇ ਕਿਹਾ ਕਿ ਕੈਨੇਡਾ ਦਾ ਇਮੀਗ੍ਰੇਸ਼ਨ ਸਿਸਟਮ ਕੰਜ਼ਰਵੇਟਿਵ ਸਰਕਾਰ ਸਮੇਂ ਬਹੁਤ ਵਧੀਆ ਰਿਹਾ ਪਰ ਟਰੂਡੋ ਦੇ 8 ਸਾਲਾ ਸ਼ਾਸ਼ਨ ਵਿਚ ਇਹ ਤਹਿਸ-ਨਹਿਸ ਹੋ ਗਿਆ, ਉਨ੍ਹਾਂ ਕਿਹਾ ਕਿ ਸਟੂਡੈਂਟਸ ਲਈ ਸਹੂਲਤਾਂ ਦਾ ਬਿਨਾਂ ਇੰਤਜ਼ਾਮ ਕੀਤੇ ਉਨ੍ਹਾਂ ਲਈ ਫਲੱਡ ਦੀ ਤਰ੍ਹਾਂ ਕੈਨੇਡਾ ਦੇ ਦਰਵਾਜ਼ੇ ਖੋਲ੍ਹ ਦਿੱਤੇ ਗਏ ਅਤੇ ਇੱਥੇ ਪਹੁੰਚ ਕੇ ਉਨ੍ਹਾਂ ਨੂੰ ਹਾਊਸਿੰਗ, ਜੌਬਸ ਸਬੰਧੀ ਕਈ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ ਅਤੇ ਉਹ ਪੁਲਾਂ ਹੇਠਾਂ ਅਤੇ ਇੱਕ ਰੂਮ ਵਿਚ ਹੀ ਵੱਡੀ ਗਿਣਤੀ ਵਿਚ ਰਹਿਣ ਲਈ ਮਜਬੂਰ ਹੋ ਗਏ।
ਪੋਲੀਵਰੇ ਨੇ ਐਲਾਨ ਕੀਤਾ ਕਿ ਕੰਜ਼ਰਵੇਟਿਵ ਦੀ ਸਰਕਾਰ ਬਣਨ ’ਤੇ ਇੰਟਰਨੈਸ਼ਨਲ ਸਟੂਡੈਂਟਸ ਲਈ ਤਿੰਨ ਮਹੱਤਵਪੂਰਨ ਕਦਮ ਚੁੱਕੇ ਜਾਣਗੇ ਅਤੇ ਚੌਥਾ ਕਦਮ ਇਮੀਗ੍ਰੇਸ਼ਨ ਪੱਧਰ ਨੂੰ ਹਾਊਸਿੰਗ ਦੀ ਉਪਲਬਧਤਾ ਨਾਲ ਸੈੱਟ ਕੀਤਾ ਜਾਵੇਗਾ।
ਗੌਰਤਲਬ ਹੈ ਕਿ ਬੀਤੇ ਕੱਲ੍ਹ ਕਨੈਕਟ ਐੱਫ.ਐੱਮ ’ਤੇ ਗੱਲ ਕਰਦੇ ਪ੍ਰਧਾਨ ਮੰਤਰੀ ਨੇ ਕਿਹਾ ਸੀ ਕਿ ਕੈਨੇਡਾ ਲਈ ਇਮੀਗ੍ਰੇਸ਼ਨ ਕਾਫ਼ੀ ਮਹੱਤਵਪੂਰਨ ਹੈ ਪਰ ਹਾਲ ਹੀ ਦੇ ਸਾਲਾਂ ਵਿਚ ਇੰਟਰਨੈਸ਼ਨਲ ਸਟੂਡੈਂਟਸ ਤੇ ਟੈਂਪਰੇਰੀ ਵਰਕਰਜ਼ ਦੀ ਗਿਣਤੀ ਬੇਹਿਸਾਬੀ ਵੱਧ ਗਈ ਸੀ,ਜਿਸ ਨੂੰ ਥੋੜ੍ਹਾ-ਬਹੁਤ ਕੰਟਰੋਲ ਕਰਨ ਦੀ ਜ਼ਰੂਰਤ ਸੀ।
ਉਨ੍ਹਾਂ ਦਾ ਕਹਿਣਾ ਸੀ ਕਿ ਸਖ਼ਤ ਨਿਯਮਾਂ ਦਾ ਮਕਸਦ ਇੰਟਰਨੈਸ਼ਨਲ ਸਟੂਡੈਂਟਸ ਦੀ ਗਿਣਤੀ ਨੂੰ ਸੀਮਤ ਕਰਨਾ ਨਹੀਂ ਸਗੋਂ ਇਹ ਯਕੀਨੀ ਬਣਾਉਣਾ ਹੈ ਕਿ ਉਹ ਜਦੋਂ ਕੈਨੇਡਾ ਵਿਚ ਆਉਣ ਤਾਂ ਉਨ੍ਹਾਂ ਨੂੰ ਹਾਊਸਿੰਗ ਤੋਂ ਲੈ ਕੇ ਜੌਬ ਤੱਕ ਪੂਰੀ ਸਹੂਲਤ ਮਿਲੇ।
