ਈਸਟਰਨ ਐਲਬਰਟਾ ਵਿਚ ਸ਼ਨੀਵਾਰ ਛੋਟਾ ਜਹਾਜ਼ ਕ੍ਰੈਸ਼ ਹੋਣ ਕਾਰਨ ਦੋ ਵਿਅਕਤੀਆਂ ਦੀ ਹੋਈ ਮੌਤ

ਈਸਟਰਨ ਐਲਬਰਟਾ ਵਿਚ ਸ਼ਨੀਵਾਰ ਛੋਟਾ ਜਹਾਜ਼ ਕ੍ਰੈਸ਼ ਹੋਣ ਕਾਰਨ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ। ਇਹ ਕ੍ਰੈਸ਼ ਦੁਪਹਿਰ ਕਰੀਬ 12.30 ਵਜੇ ਵਰਮਿਲੀਅਨ ਏਅਰਪੋਰਟ ਤੋਂ 1.2 ਕਿਲੋਮੀਟਰ ਦੀ ਦੂਰੀ 'ਤੇ ਹੋਇਆ। ਇਸ ਵਿਚ ਇਕ ਮਹਿਲਾ ਪਾਈਲਟ ਅਤੇ ਯਾਤਰੀ ਸਵਾਰ ਸਨ। ਸਲੇਵ ਲੇਕ ਦੀ ਰਹਿਣ ਵਾਲੀ 46 ਸਾਲਾ ਪਾਈਲਟ ਅਤੇ ਮੈਨਵਿਲ ਦੇ ਰਹਿਣ ਵਾਲੇ 76 ਸਾਲਾ ਵਿਅਕਤੀ ਦੀ ਇਸ ਦੌਰਾਨ ਮੌਤ ਹੋ ਗਈ।

ਵਰਮਿਲੀਅਨ ਦੇ ਡਿਪਟੀ ਮੇਅਰ ਜੋਸ਼ੂਆ ਰੇਮੈਂਟ ਨੇ ਇਸ ਹਾਦਸੇ 'ਤੇ ਦੁੱਖ ਸਾਂਝਾ ਕੀਤਾ ਹੈ। ਵਲੰਟੀਅਰ ਫਾਇਰਫਾਈਟਰਜ਼ ਨੇ ਪੁਲਿਸ ਅਤੇ ਪੈਰਾਮੈਡਿਕਸ ਨਾਲ ਮਿਲ ਕੇ ਮਦਦ ਕੀਤੀ। ਟ੍ਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਵਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।