16.02C Vancouver 16.02C VancouverMar 28, 2022 7:06 PM - The Canadian Press
ਔਸਕਰ ਸਮਾਗਮ ਦੌਰਾਨ ਨਾਮੀ ਹੌਲੀਵੁਡ ਅਦਾਕਾਰ ਵਿਲ ਸਮਿਥ ਵੱਲੋਂ ਕਮੇਡੀਅਨ ਕ੍ਰਿਸ ਰੌਕ ਨੂੰ ਜੋਰਦਾਰ ਥੱਪੜ ਜੜਨ ਦਾ ਮਾਮਲਾ ਅੱਜ ਵੀ ਸੁਰਖੀਆਂ 'ਚ ਹੈ।
ਦਰਅਸਲ ਕ੍ਰਿਸ ਰੌਕ ਨੇ ਸਟੇਜ 'ਤੇ ਗੱਲਬਾਤ ਕਰਦਿਆਂ ਵਿਲ ਸਮਿਥ ਦੀ ਪਤਨੀ ਜਾਡਾ ਪਿੰਕੈਟ ਸਮਿਥ ਦੇ ਸਿਰ 'ਤੇ ਵਾਲ ਨਾ ਹੋਣ ਸੰਬੰਧੀ ਮਜ਼ਾਕ ਕੀਤਾ ਸੀ।
ਸ਼ੁਰੂਆਤ ਵਿੱਚ ਲੱਗਿਆ ਜਿਵੇਂ ਵਿਲ ਸਮਿਥ ਨੇ ਇਸ ਦੀ ਪਰਵਾਹ ਨਹੀਂ ਕੀਤੀ ਪਰ ਜਲਦੀ ਹੀ ਉਹ ਖੜੇ ਹੋ ਸਟੇਜ 'ਤੇ ਪਹੁੰਚੇ ਅਤੇ ਕ੍ਰਿਸ ਰੌਕ ਨੂੰ ਥੱਪੜ ਜੜ ਦਿੱਤਾ।
ਵਾਪਿਸ ਕੁਰਸੀ 'ਤੇ ਆਉਣ ਤੋਂ ਬਾਅਦ ਵੀ ਵਿਲ ਸਮਿਥ ਨੇ ਕ੍ਰਿਸ ਰੌਕ ਨੂੰ ਉੱਚੀ ਆਵਾਜ਼ 'ਚ ਕਿਹਾ ਕਿ ਉਸ ਦੀ ਪਤਨੀ ਦਾ ਨਾਮ ਨਾ ਲਵੇ।
ਇਸ ਤੋਂ ਬਾਅਦ ਜਾਡਾ ਪਿੰਕੈਟ ਸਮਿਥ ਦੇ ਸਿਰ 'ਤੇ ਵਾਲਾਂ ਦੇ ਨਾ ਹੋਣ ਸੰਬੰਧਤ ਵੀ ਚਰਚਾ ਸ਼ੁਰੂ ਹੋ ਗਿਆ ਹੈ।
ਯਾਦ ਰਹੇ ਵਿਲ ਸਮਿਥ ਦੀ ਪਤਨੀ ਐਲੋਪੇਸ਼ੀਆ ਨਾਮ ਦੀ ਬਿਮਾਰੀ ਨਾਲ ਜੂਝ ਰਹੀ ਹੈ।
ਇਸ ਦੇ ਚਲਦਿਆਂ ਸਿਰ ਦੇ ਵੱਲ ਝੜਨ ਲਗਦੇ ਹਨ।
ਆਪਣੀ ਪਤਨੀ ਦੀ ਇਸੇ ਅਵਸਥਾ ਸੰਬੰਧਤ ਹੋਏ ਮਜਾਕ ਨੂੰ ਵਿਲ ਸਮਿਥ ਬਰਦਾਸ਼ਤ ਨਹੀਂ ਕਰ ਸਕੇ।
