18.28C Vancouver 18.28C VancouverOct 28, 2021 7:26 PM - The Canadian Press
ਅਮਰੀਕੀ ਏਅਰਲਾਈਨਸ ਸੰਬੰਧਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇੱਕ ਫਲਾਈਟ 'ਚ ਵਾਪਰੀ ਘਟਨਾ ਤੋਂ ਬਾਅਦ ਫਲੈਟ ਦੀ ਦਿਸ਼ਾ ਵਿੱਚ ਤਬਦੀਲੀ ਕੀਤੀ ਗਈ।
ਇਹ ਹਵਾਈ ਜਹਾਜ ਨਿਊ ਯਾਰਕ ਤੋਂ ਕੈਲੀਫੋਰਨੀਆ ਲਈ ਰਵਾਨਾ ਹੋਇਆ ਸੀ।
ਰਸਤੇ 'ਚ ਇਸ ਹਵਾਈ ਜਹਾਜ ਨੂੰ ਡੈਨਵਰ ਲਈ ਮੋੜ ਦਿੱਤਾ ਗਿਆ।
ਕਥਿਤ ਤੌਰ 'ਤੇ ਇੱਕ ਸਵਾਰੀ ਨੇ ਇੱਕ ਫਲਾਈਟ ਅਟੈਂਡੈਂਟ 'ਤੇ ਹਮਲਾ ਕਰ ਦਿੱਤਾ।
ਮਾਮਲਾ ਬੁੱਧਵਾਰ ਸ਼ਾਮ ਦਾ ਦੱਸਿਆ ਗਿਆ ਹੈ।
ਕੈਨੇਡੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਸੈਂਟਾ ਐਨਾ ਦੇ ਜੌਨ ਵੇਨ ਹਵਾਈ ਅੱਡੇ ਲਈ ਉਡਾਣ ਭਰਨ ਵਾਲੀ ਫਲਾਈਟ 976 ਨੂੰ ਰਸਤੇ 'ਚ ਵਾਪਰੀ ਘਟਨਾ ਕਾਰਨ ਡੈਨਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਉਤਾਰਿਆ ਗਿਆ।
ਸਵਾਰੀ ਨੂੰ ਉਤਾਰ ਦਿੱਤਾ ਗਿਆ ਅਤੇ ਫਿਰ ਹਵਾਈ ਜਹਾਜ ਕੈਲੀਫੋਰਨੀਆ ਲਈ ਰਵਾਨਾ ਹੋ ਗਿਆ।
ਕਥਿਤ ਤੌਰ 'ਤੇ ਪੀੜਤ ਫਲਾਈਟ ਅਟੈਂਡੈਂਟ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਮਾਮਲੇ ਦੀ ਜਾਂਚ ਐਫ.ਬੀ.ਆਈ. ਵੱਲੋਂ ਕੀਤੀ ਜਾ ਰਹੀ ਹੈ।
ਹਾਲਾਂਕਿ ਫਿਲਹਾਲ ਕੋਈ ਗ੍ਰਿਫਤਾਰੀ ਨਹੀਂ ਹੋਈ ਹੈ।
