13.16C Vancouver 13.16C VancouverJun 18, 2025 4:34 PM - The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ-ਨੈਟੋ ਅਤੇ ਕੈਨੇਡਾ-ਯੂਰਪੀਅਨ ਯੂਨੀਅਨ ਸੰਮੇਲਨ ਵਿਚ ਸ਼ਾਮਲ ਹੋਣ ਲਈ ਐਤਵਾਰ ਤੋਂ ਯੂਰਪ ਦੀ ਯਾਤਰਾ 'ਤੇ ਜਾ ਰਹੇ ਹਨ। ਉਨ੍ਹਾਂ ਦਾ ਇਹ ਦੌਰਾ 25 ਜੂਨ ਤੱਕ ਹੋਵੇਗਾ।
ਬ੍ਰਸੇਲਜ਼ ਵਿਚ ਕੈਨੇਡਾ-ਯੂਰਪੀਅਨ ਯੂਨੀਅਨ ਸੰਮੇਲਨ ਵਿਚ ਪ੍ਰਧਾਨ ਮੰਤਰੀ ਯੂਰਪੀਅਨ ਯੂਨੀਅਨ ਦੇ ਪ੍ਰਮੁੱਖਾਂ ਨਾਲ ਮੁਲਾਕਾਤ ਕਰਨਗੇ, ਤਾਂ ਜੋ ਯੂਰਪ ਨਾਲ ਵਪਾਰ ਨੂੰ ਵਧਾਉਣ ਤੇ ਨਿਯਮ-ਅਧਾਰਿਤ ਵਪਾਰ ਨੂੰ ਡਿਫੈਂਡ ਕਰਨ ਅਤੇ ਡਿਫੈਂਸ ਪਾਰਟਨਰਸ਼ਿਪ ਨੂੰ ਮਜਬੂਤ ਕਰਨ ਸਮੇਤ ਸਾਰੇ ਖੇਤਰਾਂ ਵਿਚ ਕੈਨੇਡਾ-ਯੂਰਪ ਦੇ ਸਬੰਧਾਂ ਨੂੰ ਹੋਰ ਗੂੜ੍ਹੇ ਬਣਾਇਆ ਜਾ ਸਕੇ।
ਨੀਦਰਲੈਂਡਜ਼ ਦੇ ਹੇਗ ਹੋਣ ਵਾਲੀ ਨੈਟੋ ਸੰਮੇਲਨ ਵਿਚ ਪ੍ਰਧਾਨ ਮੰਤਰੀ ਕਾਰਨੀ ਵਿਸ਼ਵ ਵਿਚ ਉੱਭਰ ਰਹੇ ਖਤਰਿਆਂ ਨਾਲ ਨਜਿੱਠਣ ਲਈ ਸਾਥੀ ਮੁਲਕਾਂ ਦੇ ਲੀਡਰਸ ਨਾਲ ਚਰਚਾ ਵਿਚ ਸ਼ਾਮਲ ਹੋਣਗੇ।
ਬ੍ਰਸੇਲਜ਼ ਦੌਰੇ ਦੌਰਾਨ ਕੈਨੇਡਾ ਵਲੋਂ ਯੂਰਪੀਅਨ ਯੂਨੀਅਨ ਨਾਲ ਮਿਲਟਰੀ ਲਈ ਡਿਫੈਂਸ ਖਰੀਦ ਸਮਝੌਤਾ ਕੀਤੇ ਜਾਣ ਦੀ ਉਮੀਦ ਹੈ।
