ਪੋਲੈਂਡ ਵਿਚ ਰੂਸੀ ਡਰੋਨ ਹਮਲੇ ਦੀ ਪੀ.ਐਮ. ਮਾਰਕ ਕਾਰਨੀ ਨੇ ਕੀਤੀ ਨਿੰਦਾ

ਪੀ.ਐਮ.ਮਾਰਕ ਕਾਰਨੀ ਨੇ ਪੋਲੈਂਡ ਵਿਚ ਰੂਸੀ ਡਰੋਨ ਦੀ ਘੁਸਪੈਠ 'ਤੇ ਟਿੱਪਣੀ ਕਰਦੇ ਇਸ ਦੀ ਨਿੰਦਾ ਕੀਤੀ ਹੈ ਅਤੇ ਕਿਹਾ ਕਿ ਇਹ ਸ਼ਾਂਤੀ ਯਤਨਾਂ ਦੇ ਪੂਰੀ ਤਰ੍ਹਾਂ ਉਲਟ ਹੈ। ਕਾਰਨੀ ਨੇ ਕਿਹਾ ਕਿ ਕੈਨੇਡਾ ਸਥਿਤੀ 'ਤੇ ਚੌਕਸੀ ਨਾਲ ਨਜ਼ਰ ਰੱਖ ਰਿਹਾ ਹੈ।

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਯੂਕਰੇਨ ਅਤੇ ਯੂਰਪ ਵਿਚ ਸਥਾਈ ਸ਼ਾਂਤੀ ਲਿਆਉਣ ਲਈ ਸਾਨੂੰ ਪੁਤਿਨ 'ਤੇ ਯੂਕਰੇਨ ਯੁੱਧ ਨੂੰ ਸਮਾਪਤ ਕਰਨ ਦਾ ਦਬਾਅ ਵਧਾਉਣਾ ਹੋਵੇਗਾ। ਰੱਖਿਆ ਮੰਤਰੀ ਡੇਵਿਡ ਮੈਕਗਿੰਟੀ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਪੋਲੈਂਡ ਦੇ ਹਵਾਈ ਖੇਤਰ ਦੀ ਉਲੰਘਣਾ ਕਰਨ ਵਾਲੇ ਰੂਸੀ ਡਰੋਨ ਨੂੰ ਡੇਗਣ ਵਿਚ ਨੈਟੋ ਦੇ ਕਈ ਦੇਸ਼ ਸ਼ਾਮਲ ਸਨ ਪਰ ਉਨ੍ਹਾਂ ਇਹ ਪੁਸ਼ਟੀ ਨਹੀਂ ਕੀਤੀ ਕਿ ਕੀ ਇਸ ਓਪਰੇਸ਼ਨ ਵਿਚ ਕਿਸੇ ਕੈਨੇਡੀਅਨ ਸਰੋਤਾਂ ਦਾ ਇਸਤੇਮਾਲ ਕੀਤਾ ਗਿਆ ਸੀ ਜਾਂ ਨਹੀਂ।

ਸਰਕਾਰ ਨੇ ਕਿਹਾ ਕਿ ਨੈਟੋ ਦੇ ਸੰਸਥਾਪਕ ਮੈਂਬਰ ਵਜੋਂ ਕੈਨੇਡਾ ਦੀ ਸਥਿਤੀ ਇਸ ਗਠਜੋੜ ਵਿਚ ਇੱਕ ਮੁੱਖ ਸਹਿਯੋਗੀ ਵਜੋਂ ਹੈ। ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਵੀ ਰੂਸ ਦੇ ਇਸ ਕਦਮ ਦੀ ਨਿੰਦਾ ਕੀਤੀ ਹੈ।