10.19C Vancouver 10.19C VancouverJul 4, 2020 2:11 AM -
ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਸ਼ੁੱਕਰਵਾਰ ਨੂੰ ਪਾਕਿਸਤਾਨ 'ਚ ਹਾਦਸੇ ਦਾ ਸ਼ਿਕਾਰ ਹੋਏ ਸਿੱਖ ਸ਼ਰਧਾਲੂਆਂ ਲਈ ਦੁੱਖ ਦਾ ਪ੍ਰਗਟਾਵਾ ਕੀਤਾ।
ਮੋਦੀ ਨੇ ਇੱਕ ਟਵੀਟ 'ਚ ਲਿਖਿਆ, "ਪਾਕਿਸਤਾਨ 'ਚ ਸਿੱਖ ਸ਼ਰਧਾਲੂਆਂ ਨਾਲ ਵਾਪਰੀ ਭਿਆਨਕ ਘਟਨਾ ਦਾ ਬੇਹੱਦ ਦੁੱਖ ਹੈ।
ਮੇਰੀ ਸੋਚ ਵਿੱਚ ਉਹ ਪਰਿਵਾਰ ਅਤੇ ਨਜ਼ਦੀਕੀ ਹਨ, ਜਿੰਨਾ ਆਪਣਿਆਂ ਨੂੰ ਗਵਾ ਦਿੱਤਾ ਹੈ।
ਮੈਨੂੰ ਉਮੀਦ ਹੈ ਕਿ ਜ਼ਖਮੀ ਹੋਏ ਸ਼ਰਧਾਲੂ ਜਲਦੀ ਹੀ ਠੀਕ ਹੋ ਜਾਣਗੇ।"
ਘਟੋ-ਘੱਟ 19 ਸਿੱਖ ਸ਼ਰਧਾਲੂਆਂ ਦੀ ਉਸ ਵੇਲੇ ਜਾਨ ਜਾਂਦੀ ਰਹੀ, ਜਦ ਇੱਕ ਪਸੈਂਜਰ ਬੱਸ ਦੀ ਇੱਕ ਰੇਲ ਨਾਲ ਟੱਕਰ ਹੋ ਗਈ।
ਘਟਨਾ 'ਚ 8 ਲੋਕਾਂ ਦੇ ਜ਼ਖਮੀ ਹੋਣ ਦੀ ਖਬਰ ਹੈ। ਪਾਕਿਸਤਾਨ ਤੋਂ ਆਈਆਂ ਖਬਰਾਂ ਅਨੁਸਾਰ ਇਹ ਘਟਨਾ ਸ਼ੁੱਕਰਵਾਰ ਨੂੰ ਵਾਪਰੀ ਹੈ।
ਕਥਿਤ ਤੌਰ 'ਤੇ ਪੀੜਤ ਸ਼ਰਧਾਲੂ ਨਨਕਾਣਾ ਸਾਹਿਬ ਨਤਮਸਤਕ ਹੋ ਕੇ ਪਰਤ ਰਹੇ ਸਨ।
ਖਬਰਾਂ ਅਨੁਸਾਰ ਘਟਨਾ ਉਸ ਜਗ੍ਹਾ ਵਾਪਰੀ ਜਿੱਥੇ ਰੇਲ ਕਰਾਸਿੰਗ 'ਤੇ ਫਾਟਕ ਨਹੀਂ ਸੀ।
