15.66C Vancouver 15.66C VancouverJun 18, 2021 8:53 AM -
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਅੱਜ ਸ਼ੁੱਕਰਵਾਰ ਨੂੰ ਵੀਡੀਓ ਕੌਨਫ੍ਰੇਂਸਿੰਗ ਜ਼ਰੀਏ ਸਕਿੱਲ ਇੰਡੀਆ ਸਕੀਮ ਤੇ ਤਹਿਤ ਕੋਵਿਡ-19 ਫਰੰਟੀਅਰ ਕਾਮਿਆਂ ਲਈ 6 ਮਹੀਨਿਆਂ ਦਾ ਕਸਟਮਾਈਜ਼ਡ ਕ੍ਰੈਸ਼ ਕੋਰਸ ਲੌਂਚ ਕੀਤਾ ਹੈ।
ਪ੍ਰਧਾਨ ਮੰਤਰੀ ਦੇ ਦਫ਼ਤਰ ਮੁਤਾਬਕ, ਇਸ ਕਸਟਮਾਈਜ਼ਡ ਕ੍ਰੈਸ਼ ਕੋਰਸ ਪ੍ਰੋਗਰਾਮ ਦੇ ਤਹਿਤ, ਸਰਕਾਰ 26 ਸੂਬਿਆਂ ਵਿੱਚ 111 ਸਿਖਲਾਈ ਸੈਂਟਰ ਸ਼ੁਰੂ ਕਰੇਗੀ|
ਇਸ ਮੌਕੇ ਹੁਨਰ ਅਤੇ ਉੱਦਮ ਵਿਕਾਸ ਮਹਿਕਮੇ ਦੇ ਕੇਂਦਰੀ ਮੰਤਰੀ ਮਹੇਂਦਰ ਨਾਥ ਪਾਂਡੇ ਅਤੇ ਕੇਂਦਰੀ ਮੰਤਰੀ ਧਰਮੇਂਦਰ ਪ੍ਰਧਾਨ ਵੀ ਸ਼ਾਮਲ ਸਨ।
ਇਸ ਪ੍ਰੋਗਰਾਮ ਦਾ ਟੀਚਾ, ਪੂਰੇ ਮੁਲਕ ਵਿੱਚ 1 ਲੱਖ ਤੋਂ ਵੀ ਵੱਧ ਕੋਵਿਡ ਯੋਧਿਆਂ ਦੇ ਹੁਨਰ ਅਤੇ ਉਸ ਹੁਨਰ ਨੂੰ ਹੋਰ ਵਧਾਉਣਾ ਹੈ।
ਇਹ ਸਿਖਲਾਈ ਕੋਵਿਡ ਯੋਧਿਆਂ ਨੂੰ ਛੇ ਤਰਾਂ ਦੇ ਕਸਟਮਾਈਜ਼ਡ ਕਿੱਤੇ ਵੰਡੇਗਾ, ਜੋ ਇਸ ਪ੍ਰਕਾਰ ਹਨ:- ਘਰੇਲੂ ਦੇਖਭਾਲ ਸਹਿਯੋਗ, ਮੁਢਲੀ ਦੇਖਭਾਲ ਸਹਿਯੋਗ, ਐਡਵਾਂਸਡ ਦੇਖਭਾਲ ਸਹਿਯੋਗ, ਐਮਰਜੈਂਸੀ ਦੇਖਭਾਲ ਸਹਿਯੋਗ, ਸੈਮਪਲ ਇਕੱਠੇ ਕਰਨਾ ਸਹਿਯੋਗ, ਅਤੇ ਮੈਡੀਕਲ ਉਪਕਰਣ ਸਹਿਯੋਗ।
ਪੀਐੱਮਓ ਨੇ ਆਖਿਆ ਕਿ ਇਹ ਪ੍ਰੋਗਰਾਮ ਪ੍ਰਧਾਨ ਮੰਤਰੀ ਕੌਸ਼ਲ ਵਿਕਾਸ ਯੋਜਨਾ 3 .0 ਦੇ ਕੇਂਦਰੀ ਭਾਗ ਦੇ ਖ਼ਾਸ ਪ੍ਰੋਗਰਾਮ ਦੇ ਤਹਿਤ ਉਲੀਕਿਆ ਗਿਆ ਹੈ, ਜਿਸਦਾ ਕੁਲ ਵਿੱਤੀ ਖ਼ਰਚਾ 276 ਕਰੋੜ ਰੁ. ਹੈ।
ਇਸ ਪ੍ਰੋਗਰਾਮ ਜ਼ਰੀਏ ਹੁਨਰਮੰਦ ਨੌਨ-ਮੈਡੀਕਲ ਸਿਹਤ ਕਾਮਿਆਂ ਨੂੰ ਵੀ ਸਿਹਤ ਖੇਤਰ ਵਿੱਚ ਵਰਤਮਾਨ ਅਤੇ ਭਵਿੱਖ ਵਿੱਚ ਮੈਨ ਪਾਵਰ ਦੀ ਪੈਣ ਵਾਲੀ ਲੋੜ ਲਈ ਤਿਆਰ ਕੀਤਾ ਜਾ ਸਕੇਗਾ।
