ਪ੍ਰਧਾਨ ਮੰਤਰੀ ਮੋਦੀ ਬਿਟ੍ਰੇਨ ਦੇ 2 ਦਿਨਾਂ ਦੌਰੇ 'ਤੇ

ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਬੁੱਧਵਾਰ ਨੂੰ ਬਿਟ੍ਰੇਨ ਦੇ 2 ਦਿਨਾਂ ਦੌਰੇ 'ਤੇ ਰਵਾਨਾ ਹੋਣਗੇ। ਬਰਤਾਨਵੀ ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ ਦੇ ਸੱਦੇ 'ਤੇ ਜਾ ਰਹੇ ਮੋਦੀ ਦੀ ਇਹ ਚੌਥੀ ਬਿਟ੍ਰੇਨ ਯਾਤਰਾ ਹੈ। ਪ੍ਰਧਾਨ ਮੰਤਰੀ ਮੋਦੀ ਦੀ ਮੁਲਾਕਾਤ ਬਿਟ੍ਰਿਸ਼ ਸਮਰਾਟ ਕਿੰਗ ਚਾਰਲਸ ਨਾਲ ਵੀ ਹੋਵੇਗੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪ੍ਰਧਾਨ ਮੰਤਰੀ ਮੋਦੀ ਅਤੇ ਸਟਾਰਮਰ ਦਰਮਿਆਨ ਭਾਰਤ ਇੰਗਲੈਂਡ ਫਰੀ ਟਰੇਡ ਐਗਰੀਮੈਂਟ,ਰੱਖਿਆ,ਤਕਨਾਲੋਜੀ ਅਤੇ ਜਲਵਾਯੂ ਵਰਗੇ ਮੁੱਦਿਆਂ 'ਤੇ ਗੱਲਬਾਤ ਹੋਵੇਗੀ।

ਦੋਹਾਂ ਦੇਸ਼ਾਂ ਦਰਮਿਆਨ 3 ਸਾਲਾਂ ਤੋਂ ਖੁੱਲ੍ਹੇ ਵਪਾਰ ਸਮਝੌਤੇ ਬਾਰੇ ਗੱਲਬਾਤ ਚੱਲਦੀ ਆ ਰਹੀ ਹੈ,ਜੋ ਹੁਣ ਪੂਰੀ ਹੋਣ ਦੀ ਸੰਭਾਵਨਾ ਹੈ। ਦੋਵੇਂ ਦੇਸ਼ 5 ਸਾਲਾਂ 'ਚ ਆਪਣੇ ਵਪਾਰ ਨੂੰ ਦੁੱਗਣਾ ਕਰਨਾ ਚਾਹੁੰਦੇ ਹਨ।