18.03C Vancouver 18.03C VancouverApr 12, 2020 9:20 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਹੋਰ ਮੰਤਰੀ, ਅੱਜ ਈਸਟਰ ਮੌਕੇ ਆਪਣੇ ਪਰਿਵਾਰਾਂ ਨਾਲ ਸਮਾਂ ਬਿਤਾ ਰਹੇ ਹਨ।
ਅੱਜ ਪ੍ਰਧਾਨ ਮੰਤਰੀ ਅਤੇ ਹੋਰ ਮੰਤਰੀਆਂ ਵੱਲੋਂ ਦੇਸ਼ ਨੂੰ ਸੰਬੋਧਿਤ ਨਹੀਂ ਕੀਤਾ ਗਿਆ।
ਪੈਂਡੇਮਿਕ ਕਾਰਨ ਬਣੇ ਹਾਲਾਤਾਂ ਕਾਰਨ ਬਹੁਤ ਸਾਰੇ ਲੋਕ ਈਸਟਰ ਮੌਕੇ ਪਰਿਵਾਰਾਂ ਤੋਂ ਦੂਰ ਰਹਿ ਕੇ ਪਰ ਵਰਚੁਅਲ ਤਰੀਕਿਆਂ ਦੇ ਨਾਲ ਪਰਿਵਾਰਾਂ ਦਾ ਸਾਥ ਮਹਿਸੂਸ ਕਰਦੇ ਹੋਏ, ਈਸਟਰ ਮਨਾ ਰਹੇ ਹਨ।
ਫੈਡਰਲ ਸਰਕਾਰ ਵੱਲੋਂ ਅੱਜ ਦੇਸ਼ ਨੂੰ ਕੋਵਿਡ-19 ਸੰਬੰਧੀ ਤਾਜਾ ਜਾਣਕਾਰੀਆਂ ਨਹੀਂ ਦਿੱਤੀਆਂ ਜਾ ਰਹੀਆਂ।
ਪਰ ਇਸਦੇ ਬਾਵਜੂਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਟਵਿਟਰ ਰਾਹੀਂ, ਦੇਸ਼ਵਾਸੀਆਂ ਨੂੰ ਈਸਟਰ ਦੇ ਲਈ ਸ਼ੁਭਕਾਮਨਾਵਾਂ ਅਤੇ ਇੱਕ ਲਿਖਤ ਸੁਨੇਹਾ ਅਤੇ ਇੱਕ ਵੀਡੀਓ ਆਸਰੇ ਆਪਣੀ ਗੱਲਬਾਤ ਸਾਂਝੀ ਕੀਤੀ ਹੈ।
ਆਪਣੇ ਲਿਖਤ ਸੁਨੇਹੇ 'ਚ ਟਰੂਡੋ ਨੇ ਕਿਹਾ ਕਿ, 'ਇਹ ਵੀਕਐਂਡ ਆਪਾਂ ਸਭ ਨੂੰ ਮੌਕਾ ਪ੍ਰਦਾਨ ਕਰਦਾ ਹੈ ਕਿ ਸੋਚਿਆ ਜਾਵੇ ਕਿ ਆਪਾਂ ਕਿਥੇ ਖੜੇ ਹਾਂ, ਅਤੇ ਆਪਣੇ ਲਈ ਕਿਹੜੀਆਂ ਚੀਜਾਂ ਅਹਿਮੀਅਤ ਰੱਖਦੀਆਂ ਹਨ।
ਮੈਂ ਜਾਣਦਾ ਹਾਂ ਕਿ ਇਹ ਸਭ ਆਸਾਨ ਨਹੀਂ ਰਿਹਾ ਹੈ, ਪਰ ਆਪਾਂ ਇਕੱਠੇ ਇਸਤੇ ਜਿੱਤ ਹਾਸਿਲ ਕਰਾਂਗੇ।'
ਇਸਦੇ ਨਾਲ ਹੀ ਉਨ੍ਹਾਂ ਇੱਕ ਵੀਡੀਓ ਰਾਹੀਂ ਆਪਣਾ ਸੰਦੇਸ਼ ਸਾਂਝਾ ਕੀਤਾ।
