21.07C Vancouver 21.07C VancouverJun 5, 2020 8:36 PM -
ਔਟਵਾ 'ਚ ਜਾਰੀ 'ਬਲੈਕ ਲਾਈਵਜ਼ ਮੈਟਰ' (Black Lives Matter) ਮੁਹਿੰਮ ਦੇ ਸਹਿਯੋਗ 'ਚ ਕੀਤੇ ਜਾ ਰਹੇ ਪ੍ਰਦਰਸ਼ਨ 'ਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੀ ਪਹੁੰਚੇ।
ਪ੍ਰਦਰਸ਼ਨਕਾਰੀਆਂ ਵੱਲੋਂ ਸ਼ਾਂਤਮਈ ਢੰਗ ਨਾਲ ਨਸਲਵਾਦ, ਅਤੇ ਪੁਲਿਸ ਸੰਬੰਧੀ ਬੇਰਹਿਮੀ ਖਿਲਾਫ਼ ਆਵਾਜ਼ ਬੁਲੰਦ ਕੀਤੀ ਜਾ ਰਹੀ ਹੈ।
ਜਦ ਟਰੂਡੋ ਇਸ ਪ੍ਰਦਰਸ਼ਨ 'ਚ ਸ਼ਾਮਿਲ ਹੋਣ ਪਹੁੰਚੇ ਤਾਂ ਉਸ ਸਮੇਂ, No Justice No Peace ਜਿਹੇ ਨਾਅਰੇ ਲੱਗ ਰਹੇ ਸਨ।
ਜਦ ਪ੍ਰਦਰਸ਼ਨਕਾਰੀਆਂ ਨੇ ਇੱਕ ਗੋਡੇ 'ਤੇ ਝੁਕ ਕੇ ਇਸ ਮੁਹਿੰਮ, ਪ੍ਰਦਰਸ਼ਨ ਅਤੇ ਜਾਰਜ ਫਲਾਇਡ ਲਈ ਆਪਣਾ ਸਹਿਯੋਗ ਦਰਸ਼ਾਉਣ ਦੀ ਪ੍ਰਕਿਰਿਆ ਕੀਤੀ, ਤਾਂ ਪ੍ਰਧਾਨ ਮੰਤਰੀ ਟਰੂਡੋ ਵੀ ਇਸ ਦੇ ਵਿੱਚ ਸ਼ਾਮਿਲ ਹੋਏ।
ਪ੍ਰਦਰਸ਼ਨ ਦੌਰਾਨ 8 ਮਿੰਟ 46 ਸੈਕਿੰਡਸ ਦਾ ਮੌਨ ਰੱਖਿਆ ਗਿਆ, ਜਿਸ ਦੌਰਾਨ ਪ੍ਰਧਾਨ ਮੰਤਰੀ ਵੀ ਸਾਰੇ ਪ੍ਰਦਰਸ਼ਨਕਾਰੀਆਂ ਨਾਲ ਇੱਕ ਗੋਡੇ 'ਤੇ ਬੈਠ, ਮੌਨ ਦੇ ਵਿੱਚ ਸ਼ਾਮਿਲ ਹੋਏ।
ਟਰੂਡੋ ਨੇ, ਪ੍ਰਦਰਸ਼ਨਕਾਰੀਆਂ ਦੀ ਅਗਵਾਈ ਕਰਦੇ ਕੁਝ ਲੋਕਾਂ ਦੀ ਟਿੱਪਣੀਆਂ 'ਤੇ ਤਾੜੀਆਂ ਮਾਰ ਕੇ ਸਹਿਯੋਗ ਦਰਸ਼ਾਇਆ।
ਇਸ ਮੌਕੇ ਪ੍ਰਧਾਨ ਮੰਤਰੀ ਟਰੂਡੋ ਨੇ ਕੋਵਿਡ-19 ਦੇ ਮੱਦੇਨਜ਼ਰ ਮਾਸਕ ਪਹਿਨਿਆ ਹੋਇਆ ਸੀ ਅਤੇ ਇੱਕ ਮੌਕੇ 'ਤੇ ਉਨ੍ਹਾਂ ਨੂੰ ਆਪਣੇ ਹੱਥ ਸੈਨੀਟਾਈਜ਼ ਕਰਦੇ ਵੀ ਵੇਖਿਆ ਗਿਆ।
ਪ੍ਰਦਰਸ਼ਨ ਤੋਂ ਵਾਪਿਸ ਜਾਂਦੇ ਹੋਏ ਟਰੂਡੋ 'ਤੇ ਇੱਕ ਵਿਅਕਤੀ ਨੇ ਕੁਝ ਤਿੱਖੀ ਟਿੱਪਣੀ ਕੀਤੀ, ਪਰ ਮੌਕੇ 'ਤੇ ਮੌਜੂਦ ਬਹੁਤ ਸਾਰੇ ਲੋਕਾਂ ਨੇ ਟਰੂਡੋ ਦੇ ਪਹੁੰਚਣ ਲਈ ਧੰਨਵਾਦ ਕੀਤਾ, ਅਤੇ ਇੱਕ ਮੌਕੇ 'ਤੇ ਟਰੂਡੋ ਨੂੰ ਕਹਿੰਦੇ ਸੁਣਿਆ ਗਿਆ ਕਿ ਉਹ ਪ੍ਰਦਰਸ਼ਨ 'ਚ ਸ਼ਾਮਿਲ ਹੋ ਕੇ ਸਨਮਾਨਿਤ ਮਹਿਸੂਸ ਕਰ ਰਹੇ ਹਨ।
ਟਰੂਡੋ ਨੇ ਮੌਕੇ ਤੋਂ ਜਾਂਦੇ ਹੋਏ ਹੱਥ 'ਚ ਫੜੀ ਹੋਈ ਟੀ-ਸ਼ਰਟ ਨੂੰ ਲਹਿਰਾਇਆ ਜਿਸ 'ਤੇ 'ਬਲੈਕ ਲਾਈਵਜ਼ ਮੈਟਰ' ਲਿਖਿਆ ਹੋਇਆ ਸੀ।
ਇਸ ਦਾ ਬਹੁਤ ਸਾਰੇ ਲੋਕਾਂ ਨੇ ਤਾੜੀਆਂ ਨਾਲ ਸਵਾਗਤ ਕੀਤਾ।
