14.44C Vancouver 14.44C VancouverFeb 14, 2022 10:32 PM - The Canadian Press
ਕੈਨੇਡਾ ਦੇ ਇਤਿਹਾਸ 'ਚ ਪਹਿਲੀ ਵਾਰ ਐਮਰਜੈਂਸੀ ਐਕਟ ਇਨਵੋਕ ਕਰ ਦਿੱਤਾ ਗਿਆ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਐਮਰਜੈਂਸੀ ਐਕਟ ਇਨਵੋਕ ਕਰਨ ਦਾ ਐਲਾਨ ਕਰ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਕਿ ਇਸ ਐਕਟ ਆਸਰੇ ਦੇਸ਼ ਦੀਆਂ ਲਾਅ ਐਨਫੋਰਸਮੈਂਟ ਏਜੈਂਸੀਆਂ ਨੂੰ ਮਜਬੂਤ ਕੀਤਾ ਜਾਵੇਗਾ।
ਟਰੂਡੋ ਨੇ ਦੱਸਿਆ ਕਿ ਹੁਣ ਪੁਲਿਸ ਕੋਲ ਵਧੇਰੇ ਔਜ਼ਾਰ ਹੋਣਗੇ ਕਿ ਬਲੌਕੇਡਸ ਅਤੇ ਪ੍ਰਦਰਸ਼ਨਾਂ ਸੰਬੰਧੀ ਸਥਿਤੀ 'ਤੇ ਕਾਬੂ ਪਾਇਆ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਪੁਲਿਸ ਕੋਲ ਵਧੇਰੇ ਜੁਰਮਾਨੇ ਲਗਾਉਣ ਸੰਬੰਧੀ ਜਾਂ ਗ੍ਰਿਫਤਾਰੀਆਂ ਸੰਬੰਧੀ ਤਾਕਤ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਅਸੀਂ ਗੈਰਕਨੂੰਨੀ ਗਤੀਵਿਧੀਆਂ ਨੂੰ ਜਾਰੀ ਰੱਖਣ ਦੀ ਇਜਾਜਤ ਨਹੀਂ ਦੇ ਸਕਦੇ।
ਟਰੂਡੋ ਨੇ ਕਿਹਾ ਕਿ ਹੁਣ ਪ੍ਰਦਰਸ਼ਨਾਂ 'ਚ ਰੋਕੇ ਵਾਹਨਾਂ ਨੂੰ ਟੋਅ ਕਰ ਕੇ ਕੱਢਣ ਦੀ ਇਜਾਜਤ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਆਸਰੇ ਅਸੈਂਸ਼ੀਅਲ ਸੇਵਾਵਾਂ 'ਚ ਅੜਿੱਕਿਆਂ ਨੂੰ ਖਤਮ ਕੀਤਾ ਜਾ ਸਕੇਗਾ।
ਇਸ ਸੰਬੰਧੀ ਐਲਾਨ ਉਸ ਵੇਲੇ ਕੀਤਾ ਗਿਆ ਹੈ ਜਦ ਟਰੂਡੋ ਨੇ ਅੱਜ ਦੇਸ਼ ਦੇ ਵੱਖੋ-ਵੱਖਰੇ ਸੂਬਿਆਂ ਦੇ ਪ੍ਰੀਮਿਅਰਸ ਨਾਲ ਵੀ ਗੱਲਬਾਤ ਕੀਤੀ ਸੀ।
ਟਰੂਡੋ ਵੱਲੋਂ ਆਪਣੇ ਕੈਬਿਨੇਟ, ਟੈਰੀਟੋਰੀਅਲ ਲੀਡਰਸ ਅਤੇ ਸੀਨੀਅਰ ਐਡਵਾਈਜ਼ਰਸ ਦੇ ਨਾਲ ਵੀ ਐਮਰਜੈਂਸੀ ਐਕਟ ਇਨਵੋਕ ਕਰਨ ਸੰਬੰਧੀ ਸਲਾਹ ਕੀਤੀ ਗਈ ਸੀ।
ਟਰੂਡੋ ਨੇ ਕਿਹਾ ਹੈ ਕਿ ਆਰ.ਸੀ.ਐਮ.ਪੀ. ਕੋਲ ਮਿਊਨਿਸਿਲਪ ਬਾਈਲਾਸ ਨੂੰ ਲਾਗੂ ਕਰਨ ਦੀ ਤਾਕਤ ਹੋਵੇਗੀ।
ਟਰੂਡੋ ਨੇ ਦੱਸਿਆ ਸਥਿਤੀ 'ਤੇ ਕਾਬੂ ਪਾਉਣ ਲਈ ਨਹੀਂ ਲਿਆਂਦੀ ਜਾਵੇਗੀ ਮਿਲਟਰੀ
ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਹੈ ਕਿ ਐਮਰਜੈਂਸੀ ਐਕਟ ਦਾ ਇਹ ਅਰਥ ਨਹੀਂ ਹੈ ਕਿ ਇਕੱਠਾਂ ਨੂੰ ਹਟਾਉਣ ਲਈ ਮਿਲਟਰੀ ਲਿਆਂਦੀ ਜਾਵੇਗੀ।
ਟਰੂਡੋ ਨੇ ਦੱਸਿਆ ਕਿ ਚਾਰਟਰ ਆਫ ਰਾਈਟਸ 'ਚ ਵੀ ਕੋਈ ਬਦਲਾਅ ਨਹੀਂ ਕੀਤਾ ਜਾ ਰਿਹਾ।
ਟਰੂਡੋ ਨੇ ਕਿਹਾ ਕਿ ਇਸ ਐਕਟ ਆਸਰੇ ਲੋਕਾਂ ਦਾ ਸ਼ਾਂਤਮਈ ਢੰਗ ਨਾਲ ਇਕੱਤਰ ਹੋਣਾ ਵੀ ਨਹੀਂ ਰੋਕਿਆ ਜਾ ਰਿਹਾ।
ਯਾਦ ਰਹੇ ਦੇਸ਼ 'ਚ ਐਮਰਜੈਂਸੀ ਐਕਟ ਨੂੰ 1988 'ਚ ਸ਼ਾਮਿਲ ਕੀਤਾ ਗਿਆ ਸੀ ਅਤੇ ਇਸ ਨੂੰ ਕਦੀ ਇਨਵੋਕ ਕਰਨ ਦੀ ਲੋੜ ਨਹੀਂ ਪਈ ਹੈ।
ਇਸ ਤੋਂ ਪਹਿਲਾਂ ਦੇਸ਼ 'ਚ 'ਵਾਰ ਮੈਜ਼ਰਸ ਐਕਟ' ਲਾਗੂ ਕੀਤਾ ਜਾਂਦਾ ਸੀ ਜੋ ਕਿ ਸਾਲ 1914 'ਚ ਸ਼ਾਮਿਲ ਕੀਤਾ ਗਿਆ ਸੀ ਅਤੇ ਇਸ ਨੂੰ ਪਹਿਲੇ ਅਤੇ ਦੂਜੇ ਵਿਸ਼ਵ ਯੁੱਧ ਅਤੇ 1970 ਅਕਤੂਬਰ ਕਰਾਈਸਿਸ ਦੌਰਾਨ ਲਾਗੂ ਕੀਤਾ ਗਿਆ ਸੀ।
