25.78C Vancouver 25.78C VancouverJun 4, 2021 7:23 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਕੈਥੋਲਿਕ ਚਰਚ ਨੂੰ ਸੱਦਾ ਦਿੱਤਾ ਗਿਆ ਹੈ ਕਿ ਕੈਨੇਡਾ ਦੇ ਰੈਜ਼ੀਡੈਂਸ਼ੀਅਲ ਸਕੂਲ ਸਿਸਟਮ ਸੰਬੰਧੀ ਆਪਣੀ ਜ਼ਿੰਮੇਵਾਰੀ ਕਬੂਲਣ।
ਟਰੂਡੋ ਨੇ ਕਿਹਾ ਕਿ ਇੱਕ ਕੈਥੋਲਿਕ ਹੋਣ ਨਾਤੇ ਉਹ ਬੇਹੱਦ ਨਿਰਾਸ਼ ਹਨ ਕਿ ਚਰਚ ਨੇ ਇਸ ਤ੍ਰਾਸਦੀ ਨਾਲ ਨਜਿੱਠਣ 'ਤੇ ਕਿਸ ਪ੍ਰਕਾਰ ਦਾ ਨਜ਼ਰੀਆ ਅਪਣਾਇਆ ਹੈ।
ਟਰੂਡੋ ਨੇ ਇੱਥੇ ਤਕ ਕਿਹਾ ਕਿ ਉਹ ਆਸ ਕਰਦੇ ਹਨ ਕਿ, ਚਰਚ 'ਤੇ ਲੋਕਾਂ ਦਾ ਦਬਾਅ ਵਧੇ ਅਤੇ ਉਹ ਝੁਕਣ।
ਟਰੂਡੋ ਨੇ ਕਿਹਾ ਕਿ ਲੋੜ ਪਈ ਤਾਂ ਉਹ ਇਹ ਮਸਲਾ ਕੋਰਟ ਲਿਜਾਣ ਲਈ ਵੀ ਤਿਆਰ ਹਨ।
ਉਨ੍ਹਾਂ ਕਿਹਾ ਕਿ ਇੰਡੀਜਨਸ ਭਾਈਚਾਰੇ ਲੰਮੇ ਸਮੇਂ ਤੋਂ ਪੋਪ ਤੋਂ ਮੁਆਫੀ ਦੀ ਆਸ ਕਰਦੇ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਸਰਕਾਰ ਵੱਲੋਂ ਸਪਾਂਸਰ ਕੀਤੇ ਜਾਂਦੇ ਚਰਚ ਵੱਲੋਂ ਚਲਾਏ ਜਾਣ ਵਾਲੇ ਸਕੂਲਾਂ ਨੇ 120 ਸਾਲ ਤੋਂ ਵਧੇਰੇ ਤਕ ਆਪਰੇਟ ਕੀਤਾ।
ਟਰੂਡੋ ਨੇ ਕਿਹਾ ਕਿ ਜਦ ਉਹ 2017 'ਚ ਵੈਟੀਕਨ ਗਏ ਸਨ ਤਾਂ ਉਨ੍ਹਾਂ ਪੋਪ ਫਰਾਂਸਿਸ ਨੂੰ ਸਿੱਧੇ ਤੌਰ 'ਤੇ ਮੁਆਫੀ ਮੰਗਣ ਦੀ ਗੱਲ ਆਖੀ ਸੀ।
