30.09C Vancouver 30.09C VancouverJun 9, 2021 3:31 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਹੈ ਕਿ ਐਤਵਾਰ ਨੂੰ ਲੰਡਨ 'ਚ ਵਾਪਰੇ ਹਮਲੇ ਦਾ ਔਨਲਾਈਨ ਨਫਰਤ ਨਾਲ ਸੰਬੰਧਤ ਹੋਣ ਦਾ ਸ਼ੰਕਾ ਹੈ।
ਅੱਜ ਸਵੇਰ ਦੀ ਸਰਕਾਰ ਅਤੇ ਇੰਟਰਨੈਟ ਦੇ ਵਿਸ਼ੇ 'ਤੇ ਹੋਈ ਇੱਕ ਕਾਨਫਰੰਸ ਦੌਰਾਨ ਟਰੂਡੋ ਨੇ ਕਿਹਾ ਕਿ "ਅਸੀਂ ਸਿਰਫ 2 ਰਾਤਾਂ ਪਹਿਲਾਂ ਇੱਕ ਬੇਹੱਦ ਭਿਆਨਕ ਘਟਨਾ ਵਾਪਰਦੀ ਵੇਖੀ ਹੈ ਜਿੱਥੇ ਸੈਰ 'ਤੇ ਨਿਕਲੇ ਇੱਕ ਮੁਸਲਿਮ ਪਰਿਵਾਰ ਦੀਆਂ 3 ਪੀੜ੍ਹੀਆਂ ਨੂੰ ਜਾਣਬੁੱਝ ਕੇ ਸੜਕ 'ਤੇ ਦਰੜ ਦਿੱਤਾ ਗਿਆ।"
ਉਨ੍ਹਾਂ ਕਿਹਾ ਕਿ "ਫਿਲਹਾਲ ਸਾਨੂੰ ਇਸ ਮਾਮਲੇ 'ਚ ਸਾਰੀਆਂ ਜਾਣਕਾਰੀਆਂ ਅਤੇ ਸਾਰੇ ਕਾਰਨ ਪਤਾ ਨਹੀਂ ਹਨ ਪਰ ਉਨ੍ਹਾਂ ਕਿਹਾ ਕਿ ਇਸ 'ਚ ਇੱਕ ਐਲੀਮੈਂਟ ਹਿੰਸਾ ਦਾ ਸਵਾਗਤ ਕਰਨ ਵਾਲਾ ਔਨਲਾਈਨ ਇਨਵੀਟੇਸ਼ਨ ਜਾਂ ਇਸ ਨਾਲ ਸੰਬੰਧਤ ਕੋਈ ਐਲੀਮੈਂਟ ਹੋ ਸਕਦਾ ਹੈ।"
ਟਰੂਡੋ ਨੇ ਇਸ ਘਟਨਾ ਦੀ ਗੱਲ ਕਰਦਿਆਂ ਔਨਲਾਈਨ ਨਫਰਤ ਦੇ ਖਤਰੇ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ।
ਉਨ੍ਹਾਂ ਕਿਹਾ ਕਿ ਟੈੱਕ ਕੰਪਨੀਆਂ ਨੂੰ ਇਕੱਠਿਆਂ ਕੰਮ ਕਰਨ ਦੀ ਲੋੜ ਹੈ ਜਿਸ ਨਾਲ ਅਜਿਹੇ ਕੰਟੈਂਟ ਨੂੰ ਰੈਗੂਲੇਟ ਕੀਤਾ ਜਾ ਸਕੇ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਅਜਿਹਾ ਕਰਦੇ ਹੋਏ ਨਿੱਜਤਾ ਅਤੇ 'ਫ੍ਰੀਡਮ ਆਫ ਐਕਸਪਰੈਸ਼ਨ' ਨੂੰ ਧਿਆਨ 'ਚ ਰੱਖਣਾ ਜ਼ਰੂਰੀ ਹੈ।
