ਪ੍ਰਧਾਨ ਮੰਤਰੀ ਟਰੂਡੋ ਨੇ ਕਿਹਾ, ਵਾਸ਼ਿੰਗਟਨ 'ਚ ਲੋਕਤੰਤਰ 'ਤੇ ਹਮਲੇ ਤੋਂ ਕਨੇਡੀਅਨ ਲੋਕ ਫ਼ਿਕਰਮੰਦ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵਾਸ਼ਿੰਗਟਨ 'ਚ ਜਾਰੀ ਪ੍ਰੋ-ਟ੍ਰੰਪ ਪ੍ਰਦਰਸ਼ਨਾਂ 'ਤੇ ਖੁਦ ਨੂੰ ਇੱਕ ਛੋਟੀ ਟਿੱਪਣੀ ਤੱਕ ਸੀਮਤ ਰੱਖਿਆ ਹੈ।

ਟਰੂਡੋ ਨੇ ਅਮਰੀਕਾ ਦੇ ਵਾਸ਼ਿੰਗਟਨ 'ਚ ਖੜੀ ਹੋਈ ਸਥਿਤੀ ਬਾਰੇ ਨਿਊਜ਼ 1130 ਨਾਲ ਇੱਕ ਇੰਟਰਵਿਊ ਦੌਰਾਨ ਗੱਲਬਾਤ ਕੀਤੀ।

ਉਨ੍ਹਾਂ ਕਿਹਾ ਕਿ, ਸਰਕਾਰ ਲਗਾਤਾਰ ਕੰਮ ਕਰਦੀ ਰਹੇਗੀ ਕਿ ਅਮਰੀਕਾ ਨਾਲ ਰਿਸ਼ਤਿਆਂ ਦੌਰਾਨ ਕਨੇਡੀਅਨ ਲੋਕਾਂ ਦੇ ਹਿੱਤਾਂ ਦਾ ਧਿਆਨ ਰੱਖਿਆ ਜਾਵੇ।

ਟਰੂਡੋ ਨੇ ਇਹ ਵੀ ਕਿਹਾ ਕਿ, ਉਹ ਆਸ ਕਰਦੇ ਹਨ ਕਿ ਸਥਿਤੀ ਜਲਦੀ ਹੀ ਠੀਕ ਹੋ ਜਾਵੇਗੀ।

ਟਰੂਡੋ ਨੇ ਕਿਹਾ ਕਿ ਕਨੇਡੀਅਨ ਲੋਕ ਅਜਿਹੀ ਸਥਿਤੀ ਤੋਂ ਬੇਹੱਦ ਪ੍ਰੇਸ਼ਾਨ ਅਤੇ ਚਿੰਤਤ ਮਹਿਸੂਸ ਕਰ ਰਹੇ ਹਨ।

ਵਿਸ਼ਵ ਭਰ ਤੋਂ ਲੀਡਰ ਹੁਣ ਅਮਰੀਕਾ 'ਚ ਖੜੀ ਹੋਈ ਸਥਿਤੀ 'ਤੇ ਟਿੱਪਣੀ ਕਰ ਰਹੇ ਹਨ। ਲੀਡਰਾਂ ਨੇ ਇਸ ਸਥਿਤੀ 'ਤੇ ਅਚੰਭਾ ਜ਼ਾਹਿਰ ਕੀਤਾ ਹੈ।

ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੌਰੀਸ ਜੌਨਸਨ ਨੇ ਅੱਜ ਵਾਸ਼ਿੰਗਟਨ ਤੋਂ ਸਾਹਮਣੇ ਆਈਆਂ ਤਸਵੀਰਾਂ ਨੂੰ 'ਡਿਸਗ੍ਰੇਸਫੁਲ' ਯਾਨੀ ਕਿ ਬਦਨਾਮੀ ਭਰੀਆਂ ਦੱਸਿਆ।

ਯਾਦ ਰਹੇ ਟ੍ਰੰਪ ਨੇ ਅੱਜ ਫਿਰ ਤੋਂ ਬਿਨਾ ਕਿਸੇ ਬੁਨਿਆਦ ਦੇ ਆਖਿਆ ਹੈ ਕਿ ਚੋਣਾਂ 'ਚ ਜਿੱਤ ਉਨ੍ਹਾਂ ਨੂੰ ਹਾਸਿਲ ਹੋਈ ਹੈ ਅਤੇ ਉਨ੍ਹਾਂ ਨੂੰ ਹੇਰਾ ਫੇਰੀ ਨਾਲ ਹਰਾਇਆ ਜਾ ਰਿਹਾ ਹੈ।

ਪ੍ਰਧਾਨ ਮੰਤਰੀ ਟਰੂਡੋ ਦਾ ਟਵੀਟ:

Canadians are deeply disturbed and saddened by the attack on democracy in the United States, our closest ally and neighbour. Violence will never succeed in overruling the will of the people. Democracy in the US must be upheld - and it will be.