7.98C Vancouver 7.98C VancouverMay 25, 2020 8:55 PM -
ਟਰੌਂਟੋ ਦੇ ਇੱਕ ਪਾਰਕ ਦੀਆਂ ਕੁਝ ਤਸਵੀਰਾਂ ਉਜਾਗਰ ਹੋਈਆਂ, ਜਿੰਨਾ ਵਿੱਚ ਵੀਕਐਂਡ ਦੇ ਦੌਰਾਨ ਲੋਕਾਂ ਵੱਲੋਂ ਫਿਜ਼ੀਕਲ ਡਿਸਟੈਨਸਿੰਗ ਜਿਹੇ ਨਿਯਮਾਂ ਦੀ ਪਾਲਣਾ ਨਾ ਕਰਦਿਆਂ, ਗਰੁੱਪਸ ਵਿੱਚ ਬੈਠਿਆਂ ਅਤੇ ਘੁੰਮਦਿਆਂ ਵੇਖਿਆ ਜਾ ਸਕਦਾ ਹੈ।
ਇਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਟਿੱਪਣੀ ਕੀਤੀ ਕਿ, ਕੈਨੇਡਾ ਵਾਸੀਆਂ ਦੀ ਇਹ ਜ਼ਿੰਮੇਵਾਰੀ ਬਣਦੀ ਹੈ ਕਿ, ਪਬਲਿਕ ਹੈਲਥ ਨਿਯਮਾਂ ਦੀ ਪਾਲਣਾ ਕੀਤੀ ਜਾਵੇ, ਜਿਸ ਨਾਲ ਕੋਵਿਡ-19 ਦੇ ਫੈਲਾਅ ਨੇ ਘਟਾਇਆ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਪਬਲਿਕ ਜਨਤਕ ਥਾਵਾਂ ਅਤੇ ਵਿੱਤੀ ਗਤੀਵਿਧੀਆਂ ਨੂੰ ਖੋਲ੍ਹਣਾ ਜਾਰੀ ਰਹੇਗਾ, ਪਰ ਇਸ ਦੌਰਾਨ ਬੇਹੱਦ ਧਿਆਨ ਰੱਖਣ ਦੀ ਲੋੜ ਹੈ।
ਇਸ ਦੌਰਾਨ ਸਾਰੇ ਹੀ ਭਾਈਚਾਰਿਆਂ ਨੂੰ ਲੋਕਲ ਹਾਲਾਤਾਂ ਤਹਿਤ ਕੁਝ ਪਬੰਦੀਆਂ ਦਾ ਵੀ ਧਿਆਨ ਰੱਖਣਾ ਹੋਵੇਗਾ।
ਪ੍ਰਧਾਨ ਮੰਤਰੀ ਟਰੂਡੋ ਨੇ ਕੁਝ ਸਵਾਲਾਂ ਦੇ ਸਿੱਧੇ ਜਵਾਬ ਦੇਣ ਤੋਂ ਕੀਤਾ ਬਚਾਅ
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕੁਝ ਸਵਾਲਾਂ ਦਾ ਸਿੱਧਾ ਜਵਾਬ ਦੇਣ ਤੋਂ ਬਚਾਅ ਕੀਤਾ ਕਿ ਆਖਿਰ ਲਿਬਰਲ ਪਾਰਟੀ, ਫੈਡਰਲ ਵੇਜ ਸਬਸਿਡੀ ਪ੍ਰੋਗਰਾਮ ਦੀ ਵਰਤੋਂ, ਕੋਵਿਡ-19 ਪੈਂਡੇਮਿਕ ਦਰਮਿਆਨ ਵਰਕਰਾਂ ਨੂੰ ਤਨਖਾਹ ਦੇਣ ਲਈ ਕਿਉਂ ਕਰ ਰਹੀ ਹੈ।
ਲਿਬਰਲਜ਼, ਕੰਜ਼ਰਵੇਟਿਵਸ, ਐਨ.ਡੀ.ਪੀ. ਅਤੇ ਗ੍ਰੀਨਜ਼ ਨੇ 75% ਵੇਜ ਸਬਸਿਡੀ ਪ੍ਰੋਗਰਾਮ ਲਈ ਅਪਲਾਈ ਕੀਤਾ ਹੈ।
ਲਿਬਰਲਜ਼ ਅਤੇ ਕੰਜਰਵੇਟਿਵਜ਼ ਨੂੰ ਇਸਲਈ ਐਪਰੂਵਲ ਵੀ ਮਿਲ ਗਿਆ ਹੈ।
ਲਿਬਰਲ ਪਾਰਟੀ ਨੂੰ ਇਸ ਪ੍ਰੋਗਰਾਮ ਦੀ ਮਦਦ ਦੀ ਕੀ ਲੋੜ ਸੀ, ਇਸ ਬਾਰੇ ਸਿੱਧੀ ਗੱਲ ਕਰਨ ਦੀ ਜਗ੍ਹਾ, ਟਰੂਡੋ ਨੇ ਕਿਹਾ ਕਿ, ਇਸ ਪ੍ਰੋਗਰਾਮ ਦੀ ਅਹਿਮੀਅਤ ਇਹੀ ਹੈ ਕਿ ਵਰਕਰਾਂ ਨੂੰ ਸਹੀ ਸਮੇਂ 'ਤੇ ਤਨਖਾਹ ਮਿਲ ਸਕੇ ਅਤੇ ਇਕਾਨਮੀ ਨੂੰ ਅੱਗੇ ਵਧਣ 'ਚ ਮਦਦ ਮਿਲ ਸਕੇ।
