25.09C Vancouver 25.09C VancouverMay 19, 2020 10:39 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੇਮਿਕ ਵਿਚਾਲੇ ਕੈਨੇਡਾ ਦੀ ਰੀ-ਓਪਨਿੰਗ (re-opening) ਦੌਰਾਨ, ਸਾਵਧਾਨੀ ਵਰਤਣ ਦੀ ਲੋੜ ਹੈ।
ਉਨ੍ਹਾਂ ਕਿਹਾ ਕਿ ਅਜਿਹਾ ਹੀ ਹਾਊਸ ਆਫ ਕਾਮਨਜ਼ ਲਈ ਵੀ ਕਰਨ ਦੀ ਲੋੜ ਹੈ।
ਵਿਰੋਧੀ ਧਿਰ ਦੇ ਲੀਡਰ ਐਂਡਰਿਊ ਸ਼ੀਅਰ, ਲਗਾਤਾਰ ਮੰਗ ਕਰਦੇ ਰਹੇ ਹਨ ਕਿ ਇਨ-ਪਰਸਨ ਬੈਠਕਾਂ (in-person sittings) ਦੀ ਵਾਪਸੀ ਹੋਣੀ ਚਾਹੀਦੀ ਹੈ।
ਸ਼ੀਅਰ ਦਾ ਕਹਿਣਾ ਹੈ ਕਿ ਮੌਜੂਦਾ ਸਮੇਂ ਹੋ ਰਹੀਆਂ ਕੋਵੀਡ-19 ਕਮੇਟੀ ਦੀਆਂ ਹਫ਼ਤੇ 'ਚ ਤਿੰਨ ਬੈਠਕਾਂ, ਕਾਫੀ ਨਹੀਂ ਹਨ ਜਿਸ ਦੇ ਨਾਲ ਸਰਕਾਰ ਦੇ ਪੈਂਡੇਮਿਕ ਨਾਲ ਨਜਿੱਠਣ ਸੰਬੰਧੀ ਪੂਰੀ ਪੜਤਾਲ ਹੋ ਸਕੇ।
ਹਾਲਾਂਕਿ ਟਰੂਡੋ ਦਾ ਕਹਿਣਾ ਹੈ ਕਿ, ਦੋ ਵਰਚੁਅਲ ਬੈਠਕਾਂ (virtual sittings) ਅਤੇ ਇੱਕ ਇਨ-ਪਰਸਨ ਬੈਠਕ ਦਾ ਚੰਗਾ ਪ੍ਰਭਾਵ ਵੇਖਣ ਨੂੰ ਮਿਲਿਆ ਹੈ, ਅਤੇ ਇਸ ਦੇ ਨਾਲ ਵੱਖੋ-ਵੱਖਰੇ ਐਮ.ਪੀ. ਇਸ ਦਾ ਹਿੱਸਾ ਬਣ ਸਕੇ ਹਨ।
ਪ੍ਰਧਾਨ ਮੰਤਰੀ ਨੇ ਕੈਪਟਨ ਜੈੱਨ ਕੇਸੀ ਨੂੰ ਕੀਤਾ ਯਾਦ
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਆਪਣੇ ਅਤੇ ਸਾਰੇ ਕਨੇਡੀਅਨਸ ਦੇ ਦਿਲ ਅਤੇ ਸੋਚ ਵਿੱਚ ਅੱਜ ਕੈਪਟਨ ਜੈੱਨ ਕੇਸੀ ਦਾ ਪਰਿਵਾਰ ਅਤੇ ਦੋਸਤ ਹਨ, ਅਤੇ ਸਾਰੇ ਹੀ ਉਨ੍ਹਾਂ ਦੇ ਦੁੱਖ ਨੂੰ ਮਹਿਸੂਸ ਕਰ ਰਹੇ ਹਨ।
ਉਨ੍ਹਾਂ ਸਾਰੀ ਸਨੋਬਰਡਜ਼ ਟੀਮ ਨੂੰ ਵੀ ਹੌਂਸਲਾ ਰੱਖਣ ਲਈ ਆਖਿਆ ਅਤੇ ਕੈਪਟਨ ਰਿਚਰਡ ਮੈਕਡੁਗਲ ਦੇ ਜਲਦੀ ਠੀਕ ਹੋਣ ਸੀ ਆਸ ਜ਼ਾਹਿਰ ਕੀਤੀ।
ਯਾਦ ਰਹੇ ਕਨੇਡੀਅਨ ਫੋਰਸਿਜ਼ ਦੀ ਪਬਲਿਕ ਅਫੇਅਰਜ਼ ਅਫਸਰ (public affairs officer with the Canadian Forces), ਕੈਪਟਨ ਜੈੱਨ ਕੇਸੀ ਦੀ ਐਤਵਾਰ ਨੂੰ ਕੈਮਲੂਪਸ ਵਿੱਚ ਵਾਪਰੇ ਹਵਾਈ ਕ੍ਰੈਸ਼ ਦੌਰਾਨ ਜਾਨ ਜਾਂਦੀ ਰਹੀ ਸੀ।
ਘਟਨਾ 'ਚ ਕੈਪਟਨ ਰਿਚਰਡ ਮੈਕਡੁਗਲ ਗੰਭੀਰ ਜ਼ਖਮੀ ਹੋਏ ਹਨ।
