13.65C Vancouver 13.65C VancouverMar 24, 2020 1:27 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਕਨੇਡੀਅਨ ਓਲੰਪਿਕ ਕਮੇਟੀ ਨੇ ਸਹੀ ਫੈਸਲਾ ਕੀਤਾ ਹੈ ਕਿ ਜੇਕਰ ਓਲੰਪਿਕ ਨਿਰਧਾਰਿਤ ਸਮੇਂ 'ਤੇ ਹੀ ਹੁੰਦੇ ਹਨ, ਤਾਂ ਕੈਨੇਡਾ ਦੇ ਅਥਲੀਟ ਇਨ੍ਹਾਂ ਖੇਡਾਂ 'ਚ ਹਿੱਸਾ ਨਹੀਂ ਲੈਣਗੇ।
ਟਰੂਡੋ ਨੇ ਕਿਹਾ ਕਿ ਇਹ ਫੈਸਲਾ ਅਥਲੀਟਾਂ, ਕੋਚਿਸ, ਸਟਾਫ ਅਤੇ ਫੈਨਸ ਦੇ ਲਈ ਬੇਹੱਦ ਨਿਰਾਸ਼ਾਜਨਕ ਰਹੇਗਾ, ਪਰ ਉਨ੍ਹਾਂ ਕਿਹਾ ਕਿ ਮੌਜੂਦਾ ਹਾਲਾਤ 'ਚ ਇਹੀ ਸਹੀ ਫੈਸਲਾ ਹੈ।
ਟੋਕਯੋ ਓਲੰਪਿਕਸ ਨਿਰਧਾਰਿਤ ਪ੍ਰੋਗਰਾਮ ਦੇ ਅਨੁਸਾਰ 24 ਜੁਲਾਈ ਤੋਂ ਸ਼ੁਰੂ ਹੋਣੇ ਸਨ।
ਹਾਲਾਂਕਿ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਨੇ ਵੀ ਐਤਵਾਰ ਨੂੰ ਐਲਾਨ ਕੀਤਾ ਹੈ ਕਿ ਓਲੰਪਿਕ ਖੇਡਾਂ ਪੋਸਟਪੋਨ ਕਰਨ ਬਾਰੇ, ਅਗਲੇ 4 ਹਫਤਿਆਂ 'ਚ ਫੈਸਲਾ ਲਿਆ ਜਾਵੇਗਾ।
ਇਸਤੋਂ ਬਾਅਦ ਹੀ ਸੀ.ਓ.ਸੀ. ਨੇ ਐਲਾਨ ਕੀਤਾ ਸੀ ਕਿ ਜੇਕਰ ਓਲੰਪਿਕ ਨਿਰਧਾਰਿਤ ਸਮੇਂ 'ਤੇ ਹੀ ਰੱਖੇ ਗਏ ਤਾਂ ਕੈਨੇਡਾ ਇਸਦਾ ਹਿੱਸਾ ਨਹੀਂ ਹੋਵੇਗਾ।
