18.09C Vancouver 18.09C VancouverNov 2, 2021 7:25 PM - The Canadian Press
ਗਲਾਸਗੋ 'ਚ ਜਾਰੀ ਯੂ.ਐਨ. ਕਲਾਈਮੇਟ ਸਮਿਟ ਵਿੱਚ ਵਿਸ਼ਵ ਲੀਡਰਾਂ ਨੇ ਦੁਨੀਆ ਦੇ ਜੰਗਲਾਂ ਨੂੰ ਬਚਾਉਣ ਸੰਬੰਧੀ ਵਾਅਦਾ ਕੀਤਾ ਹੈ।
ਇਸ ਤੋਂ ਇਲਾਵਾ ਮੀਥੇਨ ਐਮਿਸ਼ਨਸ ਨੂੰ ਘਟਾਉਣ ਅਤੇ ਦੱਖਣੀ ਅਫਰੀਕਾ 'ਚ ਕੋਲੇ ਦੀ ਨਿਰਭਰਤਾ ਨੂੰ ਘਟਾਉਣ ਲਈ ਕੰਮ ਕਰਨ 'ਤੇ ਵੀ ਵਾਅਦਾ ਕੀਤਾ ਹੈ।
ਸੀ.ਓ.ਪੀ.-26 'ਚ ਬ੍ਰਿਟੇਨ ਨੇ 100 ਤੋਂ ਵੱਧ ਦੇਸ਼ਾਂ ਵੱਲੋਂ ਜੰਗਲਾਂ ਦੀ ਕਟਾਈ 'ਤੇ ਨਕੇਲ ਕਸਣ ਦੇ ਵਾਅਦੇ ਨੂੰ ਇਸ ਬੈਠਕ ਦੀ ਪਹਿਲੀ ਵੱਡੀ ਉਪਲਬਧੀ ਦੱਸਿਆ ਹੈ।
ਉੱਧਰ ਅਮਰੀਕਾ ਨੇ ਮੀਥੇਨ ਐਮਿਸ਼ਨਸ ਨੂੰ ਘਟਾਉਣ 'ਤੇ ਵਚਨਬੱਧਤਾ ਦਰਸ਼ਾਈ ਹੈ।
ਮੀਥੇਨ ਐਮਿਸ਼ਨਸ ਨੂੰ ਗਲੋਬਲ ਵਾਰਮਿੰਗ 'ਚ ਇੱਕ ਵੱਡਾ ਕਾਰਨ ਮੰਨਿਆ ਜਾਂਦਾ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਪਣੇ ਸੰਬੋਧਨ ਦੌਰਾਨ ਕਾਰਬਨ ਪ੍ਰਾਈਸਿੰਗ ਦੀ ਗੱਲ ਕੀਤੀ।
ਉਨ੍ਹਾਂ ਅਪੀਲ ਕੀਤੀ ਕਿ ਵਿਸ਼ਵ ਦੀਆਂ 60% ਗ੍ਰੀਨਹਾਊਸ ਗੈਸ ਐਮਿਸ਼ਨਸ 'ਤੇ ਪ੍ਰਦੂਸ਼ਣ ਸੰਬੰਧੀ ਸਾਲ 2030 ਤਕ ਕੀਮਤ ਲਾਗੂ ਕੀਤੀ ਜਾਣੀ ਚਾਹੀਦੀ ਹੈ।
