25.11C Vancouver 25.11C VancouverJun 1, 2021 1:52 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਅੱਜ ਇੱਕ ਈਵੈਂਟ ਤੋਂ ਬਾਅਦ ਖੂੰਡੀ ਫੜ੍ਹ ਕੇ ਤਰੁਦੇ ਵੇਖਿਆ ਗਿਆ।
ਅੱਜ 'ਫੈਡਰਲ ਲੋਨ ਫਾਰ ਬਲੈਕ ਆਂਟਰੇਪਰੇਨਿਓਰਸ' (federal loans for Black entrepreneurs) ਪ੍ਰੋਗਰਾਮ ਦੇ ਐਲਾਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਖੂੰਡੀ ਫੜ੍ਹ ਕੇ ਜਾਂਦੇ ਵੇਖਿਆ ਗਿਆ।
ਬੁਲਾਰੇ ਐਲਿਕਸ ਵੈਲਸਟੈਡ ਦਾ ਕਹਿਣਾ ਸੀ ਕਿ ਟਰੂਡੋ ਦਾ ਫ੍ਰਿਸਬੀ ਖੇਡਦੇ ਹੋਏ ਗਿੱਟਾ ਮੁੜ ਗਿਆ ਸੀ।
ਵਿਕਟੋਰੀਆ ਡੇਅ ਲੌਂਗ ਵੀਕਐਂਡ ਦੌਰਾਨ ਉਹ ਆਪਣੇ ਬੱਚਿਆਂ ਨਾਲ ਖੇਡ ਰਹੇ ਸਨ।
ਉਨ੍ਹਾਂ ਦੀ ਇੰਜਰੀ ਕਿੰਨੀ ਕੁ ਗੰਭੀਰ ਹੈ ਇਸ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਹਾਲਾਂਕਿ ਅੱਜ ਦੇ ਪ੍ਰੋਗਰਾਮ ਦੀ ਗੱਲਬਾਤ ਕਰਨ ਮੌਕੇ ਟਰੂਡੋ ਖੂੰਡੀ ਫੜ੍ਹ ਕੇ ਨਹੀਂ ਪਹੁੰਚੇ ਸਨ।
ਵੈਲਸਟੈਡ ਦਾ ਕਹਿਣਾ ਸੀ ਕਿ ਪ੍ਰਧਾਨ ਮੰਤਰੀ ਠੀਕ ਮਹਿਸੂਸ ਕਰ ਰਹੇ ਹਨ ਅਤੇ ਡਾਕਟਰ ਦੀ ਸਲਾਹ ਅਨੁਸਾਰ ਚੱਲ ਰਹੇ ਹਨ।
