15.83C Vancouver 15.83C VancouverSep 28, 2026 1:28 PM - Connect Newsroom - Ramandeep Kaur with files from The Canadian Press
ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਡੀਜ਼ਲ 'ਤੇ ਸਾਰੇ ਤਰ੍ਹਾਂ ਦੇ ਫੈਡਰਲ ਟੈਕਸ ਹਟਾਉਣ ਅਤੇ ਇਸ ਦੀ ਸਪਲਾਈ ਨੂੰ ਯਕੀਨੀ ਬਣਾਉਣ ਦੀ ਮੰਗ ਕੀਤੀ ਹੈ। ਪੌਲੀਐਵ ਮੁਤਾਬਕ, ਕੈਨੇਡਾ ਆਪਣੀ ਘਰੇਲੂ ਮੰਗ ਪੂਰੀ ਕਰਨ ਲਈ ਲੋੜੀਂਦੀ ਮਾਤਰਾ ਵਿਚ ਡੀਜ਼ਲ ਪੈਦਾ ਕਰਦਾ ਹੈ ਪਰ ਆਵਾਜਾਈ ਦੀਆਂ ਰੁਕਾਵਟਾਂ ਕਾਰਨ ਕੁਝ ਸੂਬਿਆਂ ਅਜੇ ਵੀ ਅਮਰੀਕਾ ਤੋਂ ਇੰਪੋਰਟ 'ਤੇ ਨਿਰਭਰ ਹਨ।
ਉਨ੍ਹਾਂ ਡੀਜ਼ਲ 'ਤੇ ਫਿਊਲ ਐਕਸਾਈਜ਼ ਟੈਕਸ ਦੀ ਛੋਟ ਨੂੰ ਅਗਲੇ ਸਾਲ 1 ਜੁਲਾਈ ਤੱਕ ਵਧਾਉਣ ਅਤੇ ਇਸ 'ਤੇ ਜੀ.ਐਸ.ਟੀ. ਸਮੇਤ ਹੋਰ ਸਾਰੇ ਟੈਕਸਾਂ ਨੂੰ ਪੂਰੀ ਤਰ੍ਹਾਂ ਖ਼ਤਮ ਕਰਨ ਦਾ ਪ੍ਰਸਤਾਵ ਦਿੱਤਾ। ਐਤਵਾਰ ਨੂੰ suburban Ottawa ਵਿਖੇ ਇੱਕ ਗੈਸ ਸਟੇਸ਼ਨ 'ਤੇ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਪੌਲੀਐਵ ਨੇ ਕਿਹਾ ਕਿ ਜਦੋਂ ਕਿਸਾਨਾਂ ਅਤੇ ਟਰੱਕ ਡਰਾਈਵਰਾਂ ਨੂੰ ਤੇਲ ਲਈ ਵੱਧ ਪੈਸੇ ਦੇਣੇ ਪੈਂਦੇ ਹਨ ਤਾਂ ਉਹ ਬੋਝ ਅਖੀਰ ਵਿਚ ਆਮ ਖ਼ਪਤਕਾਰਾਂ ਦੀ ਜੇਬ 'ਤੇ ਹੀ ਪੈਂਦਾ ਹੈ।
ਉਨ੍ਹਾਂ ਸਵਾਲ ਉਠਾਇਆ ਕਿ ਅਸੀਂ ਆਪਣੇ ਨਾਗਰਿਕਾਂ ਦੀ ਸਹੂਲਤ ਲਈ ਆਪਣੇ ਹੀ ਤੇਲ ਦੀ ਪੂਰੀ ਵਰਤੋਂ ਕਿਉਂ ਨਹੀਂ ਕਰ ਰਹੇ? ਜਦੋਂ ਕਿ ਸਾਨੂੰ ਐਨਰਜੀ ਦੇ ਖੇਤਰ ਵਿਚ ਆਤਮ-ਨਿਰਭਰ ਹੋਣਾ ਚਾਹੀਦਾ ਹੈ। ਪੌਲੀਐਵ ਨੇ ਇਸ ਦੇ ਨਾਲ ਹੀ ਫੈਡਰਲ ਉਦਯੋਗਿਕ ਕਾਰਬਨ ਟੈਕਸ ਅਤੇ ਸਵੱਛ ਬਾਲਣ ਮਿਆਰ ਨੂੰ ਪੱਕੇ ਤੌਰ 'ਤੇ ਰੱਦ ਕਰਨ ਦੀ ਵਕਾਲਤ ਕੀਤੀ। ਉਨ੍ਹਾਂ ਦਾ ਤਰਕ ਹੈ ਕਿ ਇਹ ਟੈਕਸ ਅਤੇ ਨਿਯਮ ਡੀਜ਼ਲ ਉਤਪਾਦਨ ਲਈ ਰਿਫਾਇਨਰੀਆਂ ਵਿਚ ਨਵੇਂ ਨਿਵੇਸ਼ ਨੂੰ ਰੋਕਦੇ ਹਨ।
