ਸਰੀ ਪੁਲਿਸ ਨੇ ਜਿਨਸੀ ਹਮਲੇ ਦੇ ਮਾਮਲੇ ਵਿਚ 58 ਸਾਲਾ ਸ਼ੱਕੀ ਨੂੰ ਕੀਤਾ ਗ੍ਰਿਫ਼ਤਾਰ

ਸਰੀ ਪੁਲਿਸ ਨੇ ਹਾਲ ਹੀ ਵਿਚ ਹੋਏ ਇੱਕ ਜਿਨਸੀ ਹਮਲੇ ਦੇ ਮਾਮਲੇ ਵਿਚ 58 ਸਾਲਾ ਸ਼ੱਕੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਨੇ ਕਿਹਾ ਕਿ ਇਹ ਹਮਲਾ 5 ਅਗਸਤ ਨੂੰ ਦੁਪਹਿਰ 12:15 ਵਜੇ 120 ਸਟ੍ਰੀਟ ਦੇ 8000 ਬਲਾਕ ਵਿਚ ਟਿਮ ਹੌਰਟਨ ਅਤੇ ਸਾਲਵੇਸ਼ਨ ਆਰਮੀ ਥ੍ਰਿਫਟ ਸਟੋਰ ਦੇ ਨੇੜੇ ਹੋਇਆ ਸੀ। ਇਸ ਮਾਮਲੇ ਦੀ ਜਾਂਚ ਐਸ.ਪੀ.ਐਸ. ਦੀ ਸਪੈਸ਼ਲ ਇਨਵੈਸਟੀਗੇਸ਼ਨ ਯੂਨਿਟ ਵਲੋਂ ਆਪਣੇ ਹੱਥਾਂ ਵਿਚ ਲਈ ਗਈ ਹੈ।

ਪੁਲਿਸ ਨੇ ਇਸ ਮਾਮਲੇ ਵਿਚ ਜਿਨਸੀ ਹਮਲੇ ਦੇ ਚਾਰਜ ਦਾ ਸਾਹਮਣਾ ਕਰ ਰਹੇ ਸ਼ੱਕੀ ਦੀ ਪਛਾਣ 58 ਸਾਲਾ ਅਬਦੁਲਕਰੀਮ ਅਹਿਮਦ ਅਲਹਾਮਿਦ ਦੱਸੀ ਹੈ। ਅਲਹਾਮਿਦ ਇਸ ਸਮੇਂ ਹਿਰਾਸਤ ਵਿਚ ਹੈ।

ਇਨਵੈਸਟੀਗੇਟਰਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕੋਈ ਘਟਨਾ ਦਾ ਗਵਾਹ ਹੈ ਜਾਂ ਜਿਨ੍ਹਾਂ ਕੋਲ ਸੀਸੀਟੀਵੀ ਜਾਂ ਡੈਸ਼ਕੈਮ ਫੁਟੇਜ ਹੋ ਸਕਦੀ ਹੈ ਉਹ ਜਾਂਚ ਨੂੰ ਅੱਗੇ ਵਧਾਉਣ ਵਿਚ ਮਦਦ ਲਈ ਐਸ.ਪੀ.ਐਸ. ਦੀ non-emergency line 604-599-0502 'ਤੇ ਸੰਪਰਕ ਕਰ ਸਕਦੇ ਹਨ।