11.85C Vancouver 11.85C VancouverJul 21, 2022 10:07 PM - Connect News
ਵੈਸਟ ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਹਫ਼ਤੇ ਇੱਕ ਆਦਮੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਮਾਮਲਾ ਇੱਕ 80 ਸਾਲਾ ਬੁਜੁਰਗ ਵਿਅਕਤੀ ਨੂੰ ਹਜ਼ਾਰਾਂ ਡਾਲਰ ਦੀ ਠੱਗੀ ਦਾ ਸ਼ਿਕਾਰ ਬਣਾਉਣ ਦੀ ਕੋਸ਼ਿਸ਼ ਨਾਲ ਸੰਬੰਧਤ ਹੈ।
ਵੈਸਟ ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਸੀਨੀਅਰ ਆਦਮੀ ਅਤੇ ਉਨ੍ਹਾਂ ਦੀ ਪਤਨੀ 'ਗਰੈਂਡਪੇਰੈਂਟ' ਸਕੈਮ ਦਾ ਨਿਸ਼ਾਨਾ ਬਣਨ ਵਾਲੇ ਸਨ।
ਇੱਕ ਠੱਗ ਨੇ ਜੋੜੇ ਨਾਲ ਮੰਗਲਵਾਰ ਨੂੰ ਸੰਪਰਕ ਕੀਤਾ ਸੀ ਅਤੇ ਖੁਦ ਨੂੰ ਆਫ਼ਿਸਰ ਬੇਕਰ ਵਜੋਂ ਪੇਸ਼ ਕੀਤਾ ਸੀ।
ਉਸ ਦਾ ਕਹਿਣਾ ਸੀ ਕਿ ਜੋੜੇ ਦੇ ਪੋਤੇ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਸ ਠੱਗ ਨੇ ਜੋੜੇ ਦੀ ਇੱਕ ਵਿਅਕਤੀ ਨਾਲ ਗੱਲ ਕਰਵਾਈ ਜਿਸ ਨੇ ਖੁਦ ਨੂੰ ਉਨ੍ਹਾਂ ਦਾ ਪੋਤਾ ਦੱਸ ਗੱਲ ਕੀਤੀ।
ਦੋਵਾਂ ਨੇ ਜੋੜੇ ਨੂੰ $16,000 ਦੇਣ ਦੀ ਮੰਗ ਕੀਤੀ।
ਜਦ ਜੋੜੇ ਕੋਲ ਇੱਕ ਵਿਅਕਤੀ ਘਰ ਪਹੁੰਚਿਆ ਤਾਂ ਉਸ ਨੇ ਪੁਲਿਸ ਦੀ ਵਰਦੀ ਨਹੀਂ ਪਹਿਨੀ ਹੋਈ ਸੀ ਅਤੇ ਜੋੜੇ ਨੂੰ ਸ਼ੱਕ ਹੋਇਆ।
ਇਸ ਵਿਅਕਤੀ ਨੇ ਕਿਹਾ ਕਿ ਜਲਦੀ ਹੀ 'ਆਫ਼ਿਸਰ ਬੇਕਰ' ਆਵੇਗਾ ਅਤੇ ਉਸ ਕੋਲ ਆਈ.ਡੀ. ਹੋਵੇਗੀ।
ਪਰ ਇੰਨੇ ਨੂੰ ਜੋੜੇ ਨੂੰ ਇਲਾਕੇ 'ਚ ਇੱਕ ਪੁਲਿਸ ਦੀ ਗੱਡੀ ਵਿਖਾਈ ਦਿੱਤੀ ਅਤੇ ਉਨ੍ਹਾਂ ਪੁਲਿਸ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ।
ਮੌਕੇ ਤੋਂ ਇੱਕ 26 ਸਾਲਾ ਰਿਚਮੰਡ ਵਾਸੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਇਸ ਵਿਅਕਤੀ ਖਿਲਾਫ $5,000 ਤੋਂ ਵਧੇਰੇ ਦੀ ਠੱਗੀ ਦੇ ਦੋਸ਼ ਲਗਾਉਣ ਦੀ ਮੰਗ ਕੀਤੀ ਗਈ ਹੈ।
