ਪੁਲਿਸ ਨੇ ਕੈਨੇਡਾ ਵਾਈਡ ਵਾਰੰਟ 'ਤੇ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ

ਸਰੀ ਪੁਲਿਸ ਸਰਵਿਸ ਨੇ ਪੀਲ ਰੀਜਨਲ ਪੁਲਿਸ ਵਲੋਂ ਜਬਰੀ ਵਸੂਲੀ ਅਤੇ ਹਥਿਆਰਾਂ ਦੇ ਜੁਰਮ ਨਾਲ ਸਬੰਧਤ ਮਾਮਲੇ ਵਿਚ ਕੈਨੇਡਾ ਵਾਈਡ ਵਾਰੰਟ 'ਤੇ ਵਾਂਟੇਡ ਇੱਕ ਪੰਜਾਬੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਜਿਸ ਦੀ ਪਛਾਣ ਗੁਰਦੀਪ ਸ਼ੇਰਗਿੱਲ ਵਜੋਂ ਦੱਸੀ ਗਈ ਹੈ। ਐਸ.ਪੀ.ਐਸ. ਨੇ ਕਿਹਾ ਕਿ 11 ਜੁਲਾਈ 2025 ਨੂੰ ਇੱਕ ਸ਼ਿਕਾਇਤਕਰਤਾ ਨੇ ਪੀਲ ਰੀਜਨਲ ਪੁਲਿਸ ਸਰਵਿਸ ਨੂੰ ਜਬਰੀ ਵਸੂਲੀ ਅਤੇ ਸ਼ੂਟਿੰਗ ਦਾ ਸ਼ਿਕਾਰ ਹੋਣ ਦੀ ਰਿਪੋਰਟ ਦਰਜ ਕਰਵਾਈ ਸੀ।

7 ਸਤੰਬਰ ਨੂੰ ਐਸ.ਪੀ.ਐਸ. ਦੇ ਫਰੰਟਲਾਈਨ ਔਫੀਸਰਸ ਨੂੰ ਸ਼ੇਰਗਿੱਲ ਦੇ ਸਰੀ ਵਿਚ ਹੋਣ ਦਾ ਪਤਾ ਲੱਗਾ ਅਤੇ ਪੀਲ ਪੁਲਿਸ ਦੇ ਇਨਵੈਸਟੀਗੇਟ੍ਰਸ ਨਾਲ ਮਿਲ ਕੇ ਕੰਮ ਕਰਦੇ ਹੋਏ ਐਸ.ਪੀ.ਐਸ. ਔਫੀਸਰਸ ਨੇ ਸ਼ੇਰਗਿੱਲ ਨੂੰ ਲੱਭਿਆ ਅਤੇ ਗ੍ਰਿਫਤਾਰ ਕੀਤਾ।

26 ਸਾਲਾ ਗੁਰਦੀਪ ਸ਼ੇਰਗਿੱਲ ਨੂੰ ਸਰੀ ਪੁਲਿਸ ਸਰਵਿਸ ਨੇ ਗੋਲੀ ਚਲਾਉਣ ਦੇ ਮਾਮਲੇ ਅਤੇ ਜਬਰੀ ਵਸੂਲੀ ਦੇ ਦੋਸ਼ਾਂ ਲਈ ਵਾਰੰਟ ਜਾਰੀ ਕਰਕੇ ਗ੍ਰਿਫ਼ਤਾਰ ਕੀਤਾ ਅਤੇ ਦੋਸ਼ਾਂ ਦਾ ਸਾਹਮਣਾ ਕਰਨ ਲਈ ਉਸ ਨੂੰ ਪੀਲ ਰੀਜਨਲ ਵਿਚ ਵਾਪਸ ਭੇਜ ਦਿੱਤਾ ਗਿਆ ਹੈ।

ਗੌਰਤਲਬ ਹੈ ਕਿ ਜਬਰੀ ਵਸੂਲੀ ਮਾਮਲੇ ਵਿਚ ਇਹ ਗ੍ਰਿਫਤਾਰੀ ਉਦੋਂ ਹੋਈ ਹੈ ਜਦੋਂ ਕੈਨੇਡਾ ਵਿਚ ਭਾਰਤੀ ਮੂਲ ਦੇ ਕਾਰਾਬੋਰਾਂ ਅਤੇ ਲੋਕਾਂ ਨੂੰ ਨਿਸ਼ਾਨਾ ਬਣਾਏ ਜਾਣ ਦੇ ਕਈ ਮਾਮਲਿਆਂ ਦੀ ਜਾਂਚ ਚੱਲ ਰਹੀ ਹੈ, ਇਕੱਲੇ ਸਰੀ ਵਿਚ ਜਬਰੀ ਵਸੂਲੀ ਦੇ 44 ਮਾਮਲੇ ਜਾਂਚ ਅਧੀਨ ਹਨ।