14.26C Vancouver 14.26C VancouverMay 16, 2022 7:04 PM - The Canadian Press
ਅਮਰੀਕਾ 'ਚ ਬਫਲੋ ਦੇ ਪੁਲਿਸ ਕਮਿਸ਼ਨਰ ਦਾ ਕਹਿਣਾ ਹੈ ਕਿ ਸੁਪਰਮਾਰਕਿਟ 'ਚ ਮਾਸ ਸ਼ੂਟਿੰਗ ਨੂੰ ਅੰਜਾਮ ਦੇਣ ਵਾਲੇ ਗੋਰੇ ਗੰਨਮੈਨ ਦਾ ਇਰਾਦਾ ਸੀ ਕਿ ਜੇਕਰ ਮੌਕੇ ਤੋਂ ਨਿਕਲ ਗਿਆ ਤਾਂ ਲੋਕਾਂ ਦਾ ਕਤਲ ਕਰਨਾ ਜਾਰੀ ਰੱਖਿਆ ਜਾਵੇਗਾ।
ਪੁਲਿਸ ਕਮਿਸ਼ਨਰ ਜੋਸਫ ਗਰਮਾਗਲੀਆ ਨੇ ਕਿਹਾ ਕਿ ਜਾਂਚ ਅਧਿਕਾਰੀ ਇਸ ਮਾਸ ਸ਼ੂਟਿੰਗ ਦੀ ਘਟਨਾ ਨੂੰ ਪੋਟੈਨਸ਼ੀਅਲ ਹੇਟ ਕਰਾਈਮ ਜਾਂ ਡੋਮੈਸਟਿਕ ਅੱਤਵਾਦ ਦੇ ਤੌਰ 'ਤੇ ਵੇਖ ਰਹੇ ਹਨ।
ਕਮਿਸ਼ਨਰ ਨੇ ਕਿਹਾ ਕਿ ਹਮਲਾਵਰ ਨੇ ਇੱਕ ਹੋਰ ਸਟੋਰ 'ਚ ਵੀ ਹਮਲਾ ਕਰਨ ਦੀ ਗੱਲ ਆਖੀ ਸੀ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਬੰਦੂਕਧਾਰੀ ਦੀ ਪਛਾਣ 18 ਸਾਲਾ ਪੇਟਨ ਗੈਂਡਰਨ ਵਜੋਂ ਹੋਈ ਹੈ।
ਉਸ ਨੇ ਸੁਪਰਮਾਰਕਿਟ 'ਚ ਪੁਲਿਸ ਸਾਹਮਣੇ ਸਮਰਪਣ ਕਰ ਦਿੱਤਾ ਸੀ।
ਉਸ 'ਤੇ ਕਤਲ ਦੇ ਦੋਸ਼ ਲੱਗੇ ਹਨ।
ਯਾਦ ਰਹੇ ਬਫਲੋ 'ਚ ਵਾਪਰੀ ਗੋਲੀਬਾਰੀ ਦੀ ਵਾਰਦਾਤ 'ਚ 10 ਲੋਕਾਂ ਦੀ ਮੌਤ ਹੋ ਗਈ ਹੈ।
ਪੀੜਤਾਂ ਦੀ ਪਛਾਣ ਸਾਂਝੀ ਕੀਤੀ ਗਈ ਹੈ ਅਤੇ ਪੀੜਤਾਂ ਦੀ ਯਾਦ 'ਚ ਵਿਜਿਲਸ ਦਾ ਪ੍ਰਬੰਧ ਵੀ ਕੀਤਾ ਜਾ ਰਿਹਾ ਹੈ।
