17.98C Vancouver 17.98C VancouverMay 12, 2021 7:24 PM -
ਇੱਕ 25 ਸਾਲਾ ਕੈਲੀਫੋਰਨੀਆ ਦੇ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਹ ਗ੍ਰਿਫਤਾਰੀ ਉਸ ਵੇਲੇ ਹੋਈ ਜਦ ਪੁਲਿਸ ਨੇ ਇਸ ਵਿਅਕਤੀ ਨੂੰ ਆਪਣੀ ਟੈਸਲਾ ਗੱਡੀ ਦੀ ਪਿਛਲੀ ਸੀਟ 'ਤੇ ਬੈਠਾ ਵੇਖਿਆ ਅਤੇ ਅਜਿਹਾ ਕਰਦੇ ਹੋਏ ਗੱਡੀ ਚੱਲ ਰਹੀ ਸੀ।
ਵਾਹਨ ਸੈਨ-ਫਰੈਂਸਿਸਕੋ ਬੇਅ ਏਰੀਆ 'ਚ ਫਰੀਵੇਅ 'ਤੇ ਜਾ ਰਿਹਾ ਸੀ।
ਹਾਲਾਂਕਿ ਇਸ ਵਿਅਕਤੀ ਦਾ ਕਹਿਣਾ ਹੈ ਕਿ ਅਜਿਹਾ ਕਰਨਾ ਖਤਰਨਾਕ ਨਹੀਂ ਸੀ।
ਗ੍ਰਿਫਤਾਰ ਕੀਤੇ ਗਏ ਵਿਅਕਤੀ ਦਾ ਨਾਮ ਪਰਮ ਸ਼ਰਮਾ ਦੱਸਿਆ ਗਿਆ ਹੈ।
ਉਸ ਨੂੰ ਕਥਿਤ ਰੈਕਲੈਸ ਡਰਾਈਵਿੰਗ ਅਤੇ ਅਫ਼ਸਰ ਦੇ ਨਿਰਦੇਸ਼ਾਂ ਦੀ ਪਾਲਣਾ ਨਾ ਕਰਨ ਦੇ ਮਾਮਲੇ 'ਚ ਗ੍ਰਿਫਤਾਰ ਕੀਤਾ ਗਿਆ।
ਮਾਮਲਾ ਸੋਮਵਾਰ ਦਾ ਦੱਸਿਆ ਗਿਆ ਹੈ।
ਮੰਗਲਵਾਰ ਨੂੰ ਜਦ ਇਸ ਵਿਅਕਤੀ ਨੂੰ ਰਿਹਾਅ ਕੀਤਾ ਗਿਆ ਤਾਂ ਉਸ ਨੇ ਕੇ.ਟੀ.ਵੀ.ਯੂ. ਟੀ.ਵੀ. ਸਟੇਸ਼ਨ ਨੂੰ ਕਿਹਾ ਕਿ ਜੋ ਉਸ ਨੇ ਕੀਤਾ ਉਹ ਖਤਰਨਾਕ ਨਹੀਂ ਸੀ ਅਤੇ ਉਹ ਅੱਗੇ ਵੀ ਅਜਿਹਾ ਕਰਦਾ ਰਹੇਗਾ।
ਅਧਿਕਾਰੀਆਂ ਨੇ ਇਹ ਸਪਸ਼ਟ ਨਹੀਂ ਕੀਤਾ ਹੈ ਕਿ ਟੈਸਲਾ ਆਟੋਪਾਈਲਟ ਮੋਡ 'ਤੇ ਸੀ ਜਾਂ ਡਰਾਈਵਿੰਗ ਸਿਸਟਮ 'ਤੇ ਸੀ।
