15.5C Vancouver 15.5C VancouverApr 6, 2021 1:49 AM -
ਅਮਰੀਕਾ 'ਚ ਮੀਨੀਆਪੌਲਿਸ ਦੇ ਪੁਲਿਸ ਚੀਫ਼ ਦਾ ਕਹਿਣਾ ਹੈ ਕਿ ਜਾਰਜ ਫਲਾਇਡ ਦੀ ਮੌਤ ਦੇ ਮਾਮਲੇ 'ਚ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਸਾਬਕਾ ਅਫ਼ਸਰ ਡੈਰਿਕ ਚੌਵੀਨ ਨੇ ਉਸ ਦੀ ਧੌਣ 'ਤੇ ਗੋਡਾ ਧਰ ਕੇ ਡਿਪਾਰਟਮੈਂਟ ਦੀ ਨੀਤੀਆਂ ਦੀ ਉਲੰਘਣਾ ਕੀਤੀ ਸੀ, ਜਦਕਿ ਫਲਾਇਡ ਵੱਲੋਂ ਅਜਿਹਾ ਕਰਨ 'ਤੇ ਵਿਰੋਧ ਵਿਖਾਉਣਾ ਬੰਦ ਹੋ ਗਿਆ ਸੀ ਅਤੇ ਉਸ ਦੀ ਹਾਲਤ ਵਿਗੜ ਗਈ ਸੀ।
ਚੌਵੀਨ ਦੇ ਟ੍ਰਾਇਲ ਦੇ 6ਵੇਂ ਦਿਨ ਚੀਫ਼ ਮੇਡਾਰੀਆ ਆਰੋਡੋਨੋ (Chief Medaria Arradondo) ਨੇ ਕਿਹਾ ਕਿ ਫਲਾਇਡ ਨੂੰ ਹੱਥਕੜੀ ਲਗਾਈ ਜਾ ਚੁੱਕੀ ਸੀ ਅਤੇ ਉਹ ਜਮੀਨ 'ਤੇ ਪੁੱਠਾ ਪਿਆ ਸੀ।
ਉਨ੍ਹਾਂ ਕਿਹਾ ਕਿ ਅਜਿਹੀ ਹਾਲਤ ਵਿੱਚ ਕਿਸੇ ਵੀ ਸੂਰਤ 'ਚ ਡਿਪਾਰਟਮੈਂਟ ਦੀ ਨੀਤੀ ਨਹੀਂ ਹੈ ਕਿ ਕਿਸੇ ਸ਼ੱਕੀ ਦੀ ਧੌਣ 'ਤੇ ਇਸ ਤਰ੍ਹਾਂ ਗੋਡਾ ਰੱਖਿਆ ਜਾਵੇ।
ਉਨ੍ਹਾਂ ਕਿਹਾ ਕਿ ਇਹ ਪੁਲਿਸ ਦੇ ਅਸੂਲਾਂ ਅਤੇ ਕਦਰਾਂ-ਕੀਮਤਾਂ ਨਾਲ ਵੀ ਮੇਲ ਨਹੀਂ ਖਾਂਦਾ।
ਇਸ ਤੋਂ ਇਲਾਵਾ ਅੱਜ ਜੌਰਜ ਫਲਾਇਡ ਦੀ ਮੌਤ ਦੇ ਐਲਾਨ ਤੋਂ ਪਹਿਲਾਂ ਉਸ ਨੂੰ ਵੇਖਣ ਵਾਲੇ ਡਾਕਟਰ ਦਾ ਬਿਆਨ ਵੀ ਦਰਜ ਕੀਤਾ ਗਿਆ।
ਡਾ. ਬਰੈਡਫੋਰਡ ਲੈਂਗਨਫੈਲਡ ਦਾ ਕਹਿਣਾ ਹੈ ਕਿ ਫਲਾਇਡ ਦੀ "ਪਲਸਲੈਸ ਆਇਲੈਕਟ੍ਰਿਕਲ ਐਕਟੀਵਿਟੀ" ਦਰਜ ਕੀਤੀ ਗਈ ਸੀ।
