ਐਲਬਰਟਾ ’ਚ ਹੋਵੇਗੀ ਜੀ 7 ਬੈਠਕ, ਪੁਲਿਸ ਵਲੋਂ ਕੀਤੇ ਗਏ ਪੁਖਤਾ ਪ੍ਰਬੰਧ

ਐਲਬਰਟਾ ਦੇ ਕਾਨਨਾਸਕਿਸ ਵਿਚ ਇਸ ਸਾਲ ਜੀ 7 ਸਮਿਟ ਦਾ ਆਯੋਜਨ ਹੋਣਾ ਹੈ। ਇਸ ਵਿਚ ਕਰੀਬ 35,00 ਲੋਕਾਂ ਦੇ ਸ਼ਾਮਿਲ ਹੋਣ ਦੀ ਸੰਭਾਵਨਾ ਹੈ। ਕੈਲਗਰੀ ਪੁਲਿਸ ਕਮਿਸ਼ਨ ਮੁਤਾਬਕ ਇਸ ਦੌਰਾਨ ਕੈਲਗਰੀ ਅਤੇ ਕਾਨਨਾਸਕਿਸ ਵਿਚ ਕਰੀਬ 70 ਔਫੀਸ਼ੀਅਲ ਮਹਿਮਾਨ, 2,000 ਡੈਲੀਗੇਟ ਅਤੇ 1400 ਪੱਤਰਕਾਰ ਸ਼ਾਮਿਲ ਹੋਣਗੇ। ਸੁਪਰੀਡੈਂਟ ਜੋਅ ਬਰਾੜ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ 2002 ਵਿਚ ਇਸ ਸਮਿਟ ਨੂੰ ਇੱਥੇ ਹੋਸਟ ਕੀਤਾ ਗਿਆ ਸੀ। ਇਸ ਸਾਲ ਇੱਥੇ ਵਧੇਰੇ ਸਕਿਓਰਿਟੀ ਦਾ ਪ੍ਰਬੰਧ ਕੀਤਾ ਜਾਣਾ ਹੈ।

ਦੱਸ ਦਈਏ ਕਿ ਜੀ 7 ਸਮਿਟ 15 ਜੂਨ ਤੋਂ 17 ਜੂਨ ਤੱਕ ਚੱਲੇਗੀ। ਇਸ ਵਿਚ ਕੈਨੇਡਾ ਦੇ ਇਲਾਵਾ, ਸੰਯੁਕਤ ਰਾਜ, ਫਰਾਂਸ, ਜਰਮਨੀ, ਜਾਪਾਨ, ਯੂਨਾਈਟਿਡ ਕਿੰਗਡਮ ਅਤੇ ਇਟਲੀ ਦੇ ਨਾਲ-ਨਾਲ ਯੂਰਪੀਅਨ ਯੂਨੀਅਨ ਦੇ ਲੀਡਰਜ਼ ਹਿੱਸਾ ਲੈਣਗੇ।

ਐਡਮਿੰਟਨ, ਵੈਨਕੂਨਰ ਅਤੇ ਵਿਨੀਪੈਗ ਸਣੇ ਦੇਸ਼ ਦੀ ਹੋਰ ਸਕਿਓਰਿਟੀ ਇੱਥੇ ਤਾਇਨਾਤ ਕੀਤੀ ਜਾਵੇਗੀ। ਇਸ ਦੌਰਾਨ ਕਾਨਨਾਸਕਿਸ ਦੇਸ਼ ਦੇ ਟਰੇਲ ਅਤੇ ਦਿਨ ਸਮੇਂ ਵਰਤੇ ਜਾਣ ਵਾਲੇ ਇਲਾਕਿਆਂ ਨੂੰ ਬੰਦ ਰੱਖਿਆ ਜਾਵੇਗਾ। ਰੌਕੀ ਮੌਨਟੇਨ ਦਾ ਇਹ ਇਲਾਕਾ ਨਦੀਆਂ, ਜੰਗਲਾਂ ਅਤੇ ਪਹਾੜਾਂ ਨਾਲ ਘਿਰਿਆ ਹੈ।