18.88C Vancouver 18.88C VancouverJun 15, 2021 7:27 PM -
ਅਮਰੀਕਾ 'ਚ ਐਲਬਾਮਾ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਵਰਕਰ ਨੇ ਆਪਣੇ ਸਾਥੀਆਂ 'ਤੇ ਗੋਲੀਆਂ ਚਲਾ ਦਿੱਤੀਆਂ।
ਪੁਲਿਸ ਨੇ ਦੱਸਿਆ ਕਿ ਘਟਨਾ 'ਚ 2 ਲੋਕਾਂ ਦੀ ਮੌਤ ਹੋ ਗਈ ਅਤੇ 2 ਹੋਰ ਲੋਕ ਜ਼ਖਮੀ ਹੋ ਗਏ ਹਨ।
ਇਸ ਤੋਂ ਬਾਅਦ ਇਸ ਵਿਅਕਤੀ ਨੇ ਖੁਦ ਨੂੰ ਵੀ ਗੋਲੀ ਮਾਰ ਲਈ।
ਇਸ ਹਮਲਾਵਰ ਦੀ ਵੀ ਮੌਤ ਹੋ ਗਈ ਹੈ।
ਐਲਬਰਟਸਵਿਲ ਪੁਲਿਸ ਚੀਫ਼, ਜੇਮੀ ਸਮਿਥ ਦਾ ਕਹਿਣਾ ਸੀ ਕਿ ਸ਼ੱਕੀ ਵਿਅਕਤੀ ਨੇ ਆਪਣੀ ਗੱਡੀ 'ਚ ਖੁਦ ਨੂੰ ਗੋਲੀ ਮਾਰ ਲਈ।
ਇਹ ਗੱਡੀ ਘਟਨਾ ਦੀ ਜਗ੍ਹਾ ਤੋਂ ਕਰੀਬ 15 ਮੀਲ ਦੀ ਦੂਰੀ 'ਤੇ ਗੰਟਰਸਵਿਲ ਦੇ ਇਲਾਕੇ 'ਚ ਮਿਲੀ।
ਪੂਰੀ ਘਟਨਾ ਇੱਕ ਫਾਇਰ ਹਾਈਡਰੈਂਟ ਫੈਕਟਰੀ 'ਚ ਵਾਪਰੀ।
ਪੁਲਿਸ ਨੇ ਦੱਸਿਆ ਕਿ ਘਟਨਾ ਮੰਗਲਵਾਰ ਤੜਕੇ ਕਰੀਬ 2.30 ਵਜੇ ਐਲਬਰਟਸਵਿਲ ਦੇ ਮਿਊਲਰ ਕੌਰਪੋਰੇਸ਼ਨ ਪਲਾਂਟ 'ਚ ਵਾਪਰੀ।
ਇਸ ਫੈਕਟਰੀ 'ਚ ਕਰੀਬ 400 ਕਰਮਚਾਰੀ ਕੰਮ ਕਰਦੇ ਹਨ।
