16.84C Vancouver 16.84C VancouverDec 29, 2021 1:22 AM - The Canadian Press
ਅਮਰੀਕਾ 'ਚ ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਡੈਨਵਰ ਦੇ ਇਲਾਕੇ 'ਚ ਗੋਲੀਬਾਰੀ ਦੌਰਾਨ 5 ਲੋਕਾਂ ਦੀ ਮੌਤ ਦੇ ਜ਼ਿੰਮੇਵਾਰ ਸ਼ੂਟਰ ਨੇ ਕਈ ਪੀੜਤਾਂ ਨੂੰ ਸੋਚ-ਸਮਝ ਕੇ ਨਿਸ਼ਾਨਾ ਬਣਾਇਆ ਸੀ।
ਪੁਲਿਸ ਨੇ ਦੱਸਿਆ ਕਿ ਸੋਮਵਾਰ ਦੀ ਗੋਲੀਬਾਰੀ 'ਚ 4 ਲੋਕਾਂ ਦੀ ਮੌਤ ਹੋਣ ਤੋਂ ਬਾਅਦ ਇੱਕ 5ਵੀਂ ਪੀੜਤ ਔਰਤ ਨੇ ਹਸਪਤਾਲ 'ਚ ਦਮ ਤੋੜ ਦਿੱਤਾ।
ਇਸ ਔਰਤ ਦੀ ਮੌਤ ਦੀ ਪੁਸ਼ਟੀ ਮੰਗਲਵਾਰ ਨੂੰ ਕੀਤੀ ਗਈ। ਇਸ ਦੌਰਾਨ ਇੱਕ ਪੁਲਿਸ ਅਫ਼ਸਰ ਦੇ ਵੀ ਜਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਗੋਲੀਬਾਰੀ ਵੱਖੋ-ਵੱਖਰੀਆਂ ਲੋਕੇਸ਼ਨਾਂ 'ਤੇ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਪੁਲਿਸ ਤੇ ਸ਼ੱਕੀ ਵਿਚਾਲੇ ਹੋਈ ਗੋਲੀਬਾਰੀ 'ਚ ਸ਼ੱਕੀ ਵੀ ਮਾਰਿਆ ਗਿਆ।
ਗੋਲੀ ਚੱਲਣ ਦੀਆਂ ਘਟਨਾਵਾਂ ਮੁੱਖ ਤੌਰ 'ਤੇ ਕਮਰਸ਼ਲ ਇਲਾਕਿਆਂ 'ਚ ਵਾਪਰੀਆਂ ਦੱਸੀਆਂ ਗਈਆਂ ਹਨ।
ਡੈਨਵਰ ਸਬਰਬ ਲੇਕਵੁਡ 'ਚ ਸ਼ੱਕੀ ਦੇ ਮਾਰੇ ਜਾਣ ਦੀ ਜਾਣਕਾਰੀ ਦਿੱਤੀ ਗਈ।
ਸ਼ੱਕੀ ਦੀ ਪਛਾਣ 47 ਸਾਲਾ ਲਿੰਡਨ ਜੇਮਸ ਮੈਕਲਿਓਡ ਵਜੋਂ ਹੋਈ ਹੈ।
