17.95C Vancouver 17.95C VancouverApr 16, 2021 7:30 PM -
ਅਮਰੀਕਾ 'ਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇੰਡੀਆਨਾਪੌਲਿਸ 'ਚ ਗੋਲੀਬਾਰੀ ਕਰਨ ਵਾਲੇ ਸ਼ੱਕੀ ਦੀ ਪਛਾਣ ਹੋ ਗਈ ਹੈ।
ਹਮਲਾਵਰ ਦੀ ਪਛਾਣ 19 ਸਾਲਾ ਬ੍ਰੈਂਡਨ ਸਕੌਟ ਹੋਲ ਵਜੋਂ ਹੋਈ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਮਾਮਲੇ 'ਚ ਇੰਡੀਆਨਾਪੌਲਿਸ ਦੇ ਇੱਕ ਘਰ ਦੀ ਤਲਾਸ਼ੀ ਲਈ ਜਾ ਰਹੀ ਹੈ ਜੋ ਕਿ ਹਮਲਾਵਰ ਨਾਲ ਸੰਬੰਧਤ ਦੱਸਿਆ ਜਾ ਰਿਹਾ ਹੈ।
ਘਰ ਤੋਂ ਕੁਝ ਸਬੂਤ ਅਤੇ ਇੱਕ ਕੰਪਿਊਟਰ ਅਤੇ ਹੋਰ ਇਲੈਕਟਰੌਨਿਕ ਮੀਡੀਆ ਵੀ ਹਾਸਿਲ ਕੀਤਾ ਗਿਆ ਹੈ।
ਅਮਰੀਕਾ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਫੈਡਐਕਸ ਫੈਸਿਲਟੀ 'ਚ ਦਾਖਿਲ ਹੋ ਕੇ ਗੋਲੀਬਾਰੀ ਕਰਨ ਵਾਲੇ ਵਿਅਕਤੀ ਨੇ ਅਫ਼ਸਰਾਂ ਦੇ ਉਸ ਤਕ ਪਹੁੰਚਣ ਤੋਂ ਪਹਿਲਾਂ ਆਪਣੀ ਖੁਦ ਦੀ ਜਾਨ ਲੈ ਲਈ।
ਇਹ ਫੈਸਿਲਟੀ ਇੰਡੀਆਨਾਪੌਲਿਸ ਦੇ ਹਵਾਈ ਅੱਡੇ ਦੇ ਕਰੀਬ ਸਥਿਤ ਹੈ।
ਬੀਤੀ ਰਾਤ ਦੀ ਗੋਲੀਬਾਰੀ ਦੀ ਘਟਨਾ 'ਚ 8 ਲੋਕਾਂ ਦੀ ਮੌਤ ਹੋ ਗਈ ਜਦਕਿ ਕਈ ਲੋਕ ਜ਼ਖਮੀ ਹੋਏ ਹਨ।
ਡਿਪਟੀ ਚੀਫ਼ ਕ੍ਰੈਗ ਮੈਕਾਰਟ ਨੇ ਦੱਸਿਆ ਕਿ ਹਮਲਾਵਰ ਨੇ ਪਾਰਕਿੰਗ ਲੌਟ 'ਚ ਅੰਨ੍ਹੇਵਾਹ ਗੋਲੀਆਂ ਚਲਾ ਦਿੱਤੀਆਂ ਸਨ, ਅਤੇ ਫਿਰ ਇਮਾਰਤ 'ਚ ਦਾਖਿਲ ਹੋ ਗਿਆ ਸੀ।
