9.03C Vancouver 9.03C VancouverFeb 3, 2022 10:35 PM - Connect News
ਵੈਨਕੂਵਰ 'ਚ ਪੁਲਿਸ ਦਾ ਕਹਿਣਾ ਹੈ ਕਿ 2 ਹਫਤਿਆਂ ਵਿਚਾਲੇ ਸ਼ਹਿਰ 'ਚ 2 ਦਰਜਨ ਤੋਂ ਵਧੇਰੇ ਟ੍ਰਾਂਜ਼ਿਟ ਬੱਸਾਂ ਨਾਲ ਤੋੜਭੰਨ ਕੀਤੀ ਗਈ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਜਨਵਰੀ ਦੇ ਮੱਧ ਤੋਂ 26 ਬੱਸਾਂ ਦਾ ਨੁਕਸਾਨ ਕੀਤਾ ਗਿਆ ਹੈ।
ਮੰਨਿਆ ਜਾ ਰਿਹਾ ਹੈ ਕਿ ਸਟ੍ਰੀਟ 'ਚ ਕਿਸੇ ਵੱਲੋਂ ਬੱਸਾਂ 'ਤੇ ਕੁਝ ਆਈਟਮ ਸੁੱਟ ਕੇ ਬੱਸਾਂ ਦਾ ਨੁਕਸਾਨ ਕੀਤਾ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾਵਾਂ ਈਸਟ ਹੇਸਟਿੰਗਸ ਸਟ੍ਰੀਟ ਦੇ ਇਲਾਕੇ 'ਚ ਗੋਰ ਅਤੇ ਕੈਂਬੀ ਸਟ੍ਰੀਟਸ ਵਿਚਾਲੇ ਵਾਪਰੀਆਂ।
ਜਾਣਕਾਰੀ ਦਿੱਤੀ ਗਈ ਕਿ ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਅਤੇ ਮੈਟਰੋ ਵੈਨਕੂਵਰ ਟ੍ਰਾਂਜ਼ਿਟ ਪੁਲਿਸ ਵੱਲੋਂ ਘਟਨਾਵਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਕਾਂਸਟੇਬਲ ਅਮੈਂਡਾ ਸਟੀਡ ਦਾ ਕਹਿਣਾ ਸੀ ਕਿ ਇਨ੍ਹਾਂ ਮਾਮਲਿਆਂ 'ਚ ਬੱਸ ਚਲਾਉਂਦੇ ਹੋਏ ਨੁਕਸਾਨ ਦਾ ਪਤਾ ਨਹੀਂ ਲੱਗਿਆ ਸੀ, ਬਲਕਿ ਜਦੋਂ ਵਾਹਨ ਚਾਲਕਾਂ ਨੇ ਆਪਣੀ ਸ਼ਿਫਟ ਖਤਮ ਕੀਤੀ ਤਾਂ ਉਸ ਵੇਲੇ ਨੁਕਸਾਨ ਦਾ ਪਤਾ ਲੱਗਿਆ ਸੀ।
ਵੀ.ਪੀ.ਡੀ. ਦੀ ਨਿਊਜ ਰਿਲੀਜ਼ ਲਈ ਲਿੰਕ ਕਲਿਕ ਕਰੋ:
https://vpd.ca/news/2022/02/03/police-investigate-after-26-transit-buses-damaged/
