12.04C Vancouver 12.04C VancouverJul 6, 2021 3:34 PM -
ਸਰ੍ਹੀ ਦੇ ਫਲੀਟਵੁੱਡ ਇਲਾਕੇ ਵਿੱਚ ਗੈਂਗ ਨਾਲ ਸੰਬੰਧਤ ਗੋਲੀਬਾਰੀ ਦੀ ਘਟਨਾ ਵਾਪਰੀ ਹੈ।
ਪੁਲਿਸ ਦੇ ਮੁਤਾਬਿਕ ਇਹ ਘਟਨਾ ਕੱਲ ਰਾਤ 9 ਵਜੇ ਦੇ ਕਰੀਬ 157 ਸਟਰੀਟ ਅਤੇ 83 ਐਵੀਨਯੂ ਵਾਲੇ ਇਲਾਕੇ ਵਿੱਚ ਵਾਪਰੀ।
ਪੁਲਿਸ ਨੇ ਮੌਕੇ ਤੇ ਜਾਂਦੇ ਹੋਏ ਇੱਕ ਕਾਲੇ ਰੰਗ ਦੀ ਕਰਾਈਸਲਰ 300 ਗੱਡੀ ਨੂੰ ਤੇਜ਼ ਰਫਤਾਰ ਤੇ ਉੱਥੋਂ ਲੰਘਦੇ ਦੇਖਿਆ।
ਫੇਰ ਇਹ ਗੱਡੀ ਜਲੀ ਹੋਈ ਹਾਲਤ ਵਿੱਚ 194 ਸਟਰੀਟ ਅਤੇ 16 ਐਵੇਨਿਉ ਕੋਲੋਂ ਮਿਲੀ।
ਇਸ ਗੱਡੀ ਨੂੰ ਉੱਥੋਂ ਹਟਾ ਦਿੱਤਾ ਗਿਆ ਹੈ।
ਪੁਲਿਸ ਦੇ ਮੁਤਾਬਿਕ ਇਸ ਦੌਰਾਨ ਕਿਸੇ ਦੇ ਜ਼ਖਮੀ ਹੋਣ ਦੀ ਕੋਈ ਰੀਪੋਰਟ ਨਹੀਂ ਹੈ।
ਪੁਲਿਸ ਨੇ ਫਲੀਟਵੂਡ ਵਿੱਚ ਪੈਂਦੇ ਇੱਕ ਘਰ ਦੀ ਅਤੇ ਓਥੇ ਖੜੀ ਇੱਕ ਗੱਡੀ ਦੀ ਘੇਰੇਬੰਦੀ ਵੀ ਕੀਤੀ।
ਇਸ ਘਰ ਦੇ ਗਰਾਜ ਦੇ ਦਰਵਾਜ਼ੇ 'ਤੇ ਕਈ ਗੋਲੀਆਂ ਵੀ ਲੱਗੀਆਂ ਹੋਈਆਂ ਸਨ।
ਸਰ੍ਹੀ ਆਰ.ਸੀ.ਐਮ.ਪੀ. ਦੀ ਸਾਰਜੇਂਟ ਸੈਮ ਸੰਘੇਰਾ ਨੇ ਦੱਸਿਆ ਕਿ ਜਿਸ ਘਰ ਨੂ ਨਿਸ਼ਾਨਾ ਬਣਾਇਆ ਗਿਆ ਸੀ ਉਸ ਵਿੱਚ ਰਹਿੰਦੇ ਲੋਕਾਂ ਨੂੰ ਪੁਲਿਸ ਪਹਿਲਾਂ ਤੋਂ ਜਾਣਦੀ ਹੈ ਅਤੇ ਉਹਨਾਂ ਦੇ ਸੰਬੰਧ ਲੋਅਰ ਮੇਨਲੈਂਡ ਵਿੱਚ ਜਾਰੀ ਗੈਂਗ ਹਿੰਸਾ ਨਾਲ ਹਨ।
ਪੁਲਿਸ ਵੱਲੋਂ ਅੱਪੀਲ ਕੀਤੀ ਗਈ ਹੈ ਕਿ ਜੇ ਕਿਸੇ ਨੂੰ ਇਸ ਘਟਨਾ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ ਉਹਨਾਂ ਨੂੰ 604-599-0502 'ਤੇ ਸੰਪਰਕ ਕਰੇ।
ਜੇ ਤੁਸੀਂ ਜਾਣਕਾਰੀ ਦੇਣ ਸਮੇ ਆਪਣਾ ਨਾਮ ਗੁਪਤ ਰੱਖਣਾ ਚਾਹੁੰਦੇ ਹੋ ਤਾਂ ਤੁਸੀਂ ਕ੍ਰਾਇਮ ਸਟਾਪਰਜ਼ ਨੂੰ 1-800-222-8477 'ਤੇ ਕਾਲ ਕਰ ਸਕਦੇ ਹੋ।
