17.67C Vancouver 17.67C VancouverJun 18, 2025 6:41 PM - Connect Newsroom
ਪੋਰਟ ਐਲਬਰਨੀ ਪੁਲਿਸ ਸੋਮਵਾਰ ਨੂੰ ਲੋਕਲ ਪਾਰਕ ਵਿਚ ਇੱਕ ਲਾਸ਼ ਮਿਲਣ ਮਗਰੋਂ ਇਸ ਸ਼ੱਕੀ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਆਰਸੀਐਮਪੀ ਨੇ ਕਿਹਾ ਕਿ 16 ਜੂਨ ਨੂੰ ਸ਼ਾਮ 5.41 ਵਜੇ ਉਨ੍ਹਾਂ ਨੂੰ ਡ੍ਰਾਈ ਕਰੀਕ ਪਾਰਕ ਵਿਚ ਇੱਕ ਲਾਸ਼ ਬਾਰੇ ਸੂਚਨਾ ਮਿਲੀ। ਫਰੰਟਲਾਈਨ ਅਧਿਕਾਰੀ ਨੇ ਮੌਕੇ 'ਤੇ ਪ੍ਰਤੀਕਿਰਿਆ ਦਿੱਤੀ ਅਤੇ ਮ੍ਰਿਤਕ ਦੇ ਸਪੱਸ਼ਟ ਤੌਰ 'ਤੇ ਸੱਟਾਂ ਦਿਖਾਈ ਦੇ ਰਹੀਆਂ ਸਨ।
ਫੌਰੈਂਸਿਕ ਪਛਾਣ ਸਰਵਿਸ ਨੇ ਵੀ ਮੌਕੇ 'ਤੇ ਵਿਜ਼ਿਟ ਕੀਤਾ। ਪੋਰਟ ਐਲਬਰਨੀ ਆਰਸੀਐਮਪੀ ਨੇ ਕਿਹਾ ਕਿ ਉਨ੍ਹਾਂ ਦੇ ਜਨਰਲ ਇਨਵੈਸਟੀਗੇਸ਼ਨ ਸੈਕਸ਼ਨ ਨੇ ਜਾਂਚ ਦਾ ਜਿੰਮਾ ਸੰਭਾਲਿਆ ਹੈ ਅਤੇ ਬੀ.ਸੀ. ਕੋਰੋਨਰ ਸਰਵਿਸ ਨਾਲ ਮਿਲ ਕੇ ਮੌਤ ਦੇ ਹਾਲਾਤ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਸ਼ੁਰੂਆਤੀ ਜਾਂਚ ਦੇ ਆਧਾਰ 'ਤੇ ਮੌਤ ਨੂੰ ਸ਼ੱਕੀ ਮੰਨਿਆ ਹੈ। ਮ੍ਰਿਤਕ ਵਿਅਕਤੀ ਦੀ ਪਛਾਣ ਕੀਤੀ ਜਾ ਚੁੱਕੀ ਹੈ, ਹਾਲਾਂਕਿ ਇਸ ਸਮੇਂ ਉਨ੍ਹਾਂ ਦਾ ਨਾਮ ਜਾਰੀ ਨਹੀਂ ਕੀਤਾ ਗਿਆ ਹੈ।
