25.37C Vancouver 25.37C VancouverNov 22, 2021 10:19 PM - The Canadian Press
ਅਮਰੀਕਾ ਦੇ ਵਿਸਕੌਂਸਿਨ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਕ੍ਰਿਸਮਸ ਪੈਰੇਡ ਦੌਰਾਨ 5 ਲੋਕਾਂ ਦੀ ਮੌਤ ਅਤੇ 48 ਲੋਕਾਂ ਦੇ ਜਖਮੀ ਹੋਣ ਦੀ ਘਟਨਾ 'ਚ ਸ਼ਾਮਿਲ ਐਸ.ਯੂ.ਵੀ. ਚਾਲਕ ਘਟਨਾ ਤੋਂ ਕੁਝ ਹੀ ਮਿੰਟ ਪਹਿਲਾਂ ਕਿਸੇ ਪ੍ਰਕਾਰ ਦੀ ਘਰੇਲੂ ਪ੍ਰੇਸ਼ਾਨੀ ਵਿੱਚੋਂ ਲੰਘਿਆ ਸੀ।
ਵਾਹਕੇਸ਼ਾ ਪੁਲਿਸ ਚੀਫ਼ ਡੈਨ ਥਾਂਪਸਨ ਨੇ ਕਿਹਾ ਕਿ ਇਸ ਮਾਮਲੇ ਨੂੰ ਅੱਤਵਾਦ ਨਾਲ ਜੋੜਨ ਲਈ ਕੋਈ ਸਬੂਤ ਨਹੀਂ ਹਨ।
ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਮਾਮਲੇ 'ਚ 39 ਸਾਲਾ ਡੈਰਲ ਬਰੂਕਸ 'ਤੇ ਇੰਟੈਂਸ਼ਨਲ ਹੋਮੀਸਾਈਡ ਯਾਨੀ ਕਿ ਜਾਣਬੁੱਝ ਕੇ ਕਤਲ ਕਰਨ ਦੇ 5 ਦੋਸ਼ ਲੱਗੇ ਹਨ।
ਜਖਮੀ ਲੋਕਾਂ 'ਚ ਘਟੋ-ਘੱਟ 6 ਬੱਚਿਆਂ ਦੀ ਹਾਲਤ ਗੰਭੀਰ ਦੱਸੀ ਗਈ ਹੈ।
ਜਾਨ ਗਵਾਉਣ ਵਾਲੇ ਲੋਕਾਂ 'ਚ 4 ਔਰਤਾਂ ਅਤੇ ਇੱਕ ਆਦਮੀ ਸ਼ਾਮਿਲ ਸੀ।
ਪੀੜਤ ਔਰਤਾਂ ਦੀ ਉਮਰ 71, 52, 52 ਅਤੇ 79 ਸਾਲ ਸੀ।
ਜਾਨ ਗਵਾਉਣ ਵਾਲੇ ਆਦਮੀ ਦੀ ਉਮਰ 81 ਸਾਲ ਦੱਸੀ ਗਈ ਹੈ।
ਯਾਦ ਰਹੇ ਘਟਨਾ ਉਸ ਵੇਲੇ ਵਾਪਰੀ ਸੀ ਜਦ ਕ੍ਰਿਸਮਸ ਪੈਰੇਡ 'ਚ ਇੱਕ ਵਿਅਕਤੀ ਨੇ ਤੇਜ ਰਫਤਾਰ 'ਤੇ ਐਸ.ਯੂ.ਵੀ. ਗੱਡੀ ਵਾੜ ਦਿੱਤੀ ਸੀ।
