13.33C Vancouver 13.33C VancouverOct 20, 2022 12:39 AM - Connect News
ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਦਿਲ ਦਹਿਲਾ ਦੇਣ ਵਾਲੀ ਵੀਡੀਓ ਸਾਂਝੀ ਕੀਤੀ ਗਈ ਹੈ।
ਵੀਡੀਓ 'ਚ ਇੱਕ ਸ਼ੱਕੀ ਨੂੰ ਹੱਥ 'ਚ ਚਾਕੂ ਫੜ੍ਹ ਇੱਕ ਵਿਅਕਤੀ ਨਾਲ ਖੋਹ ਨੂੰ ਅੰਜਾਮ ਦੇਣ ਅਤੇ ਉਸ ਨੂੰ ਧਮਕਾਉਣ ਅਤੇ ਧੱਕਾ-ਮੁੱਕੀ ਕਰਨ ਦੇ ਦ੍ਰਿਸ਼ ਵੇਖੇ ਜਾ ਸਕਦੇ ਹਨ।
ਘਟਨਾ ਬੀਤੇ ਵੀਕਐਂਡ ਦੌਰਾਨ ਦੀ ਦੱਸੀ ਗਈ ਹੈ ਅਤੇ ਪੁਲਿਸ ਨੇ ਪੀੜਤ ਵਿਅਕਤੀ ਨੂੰ ਅਪੀਲ ਕੀਤੀ ਹੈ ਕਿ ਸਾਹਮਣੇ ਆ ਕੇ ਮਾਮਲਾ ਰਿਪੋਰਟ ਕੀਤਾ ਜਾਵੇ।
ਕਾਂਸਟੇਬਲ ਜੇਸਨ ਡੁਸੈਟ ਦਾ ਕਹਿਣਾ ਸੀ ਕਿ ਜੇਕਰ ਹਮਲਾਵਰ ਦੀ ਪਛਾਣ ਦੀ ਕਰ ਲਈ ਜਾਵੇ ਤਾਂ ਇੱਕ ਵੱਡੀ ਚੁਣੌਤੀ ਹੈ ਕਿ ਪੀੜਤ ਵਿਅਕਤੀ ਨੇ ਮਾਮਲਾ ਰਿਪੋਰਟ ਨਹੀਂ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਪੀੜਤ ਨੂੰ ਦੱਸਣਾ ਚਾਹੀਦਾ ਹੈ ਕਿ ਆਖਿਰ ਮੌਕੇ 'ਤੇ ਹੋਇਆ ਕੀ ਸੀ।
ਮਾਮਲਾ 15 ਅਕਤੂਬਰ ਦਾ ਦੱਸਿਆ ਗਿਆ ਹੈ।
ਪੁਲਿਸ ਨੂੰ ਇੱਕ ਵਿਅਕਤੀ ਨੇ ਸੰਪਰਕ ਕਰ ਦੱਸਿਆ ਸੀ ਕਿ ਵੈਸਟ ਕੌਰਡੋਵਾ ਅਤੇ ਰਿਚਰਡ ਸਟ੍ਰੀਟ ਕੋਲ 2 ਲੋਕਾਂ ਦਾ ਝਗੜਾ ਹੋ ਰਿਹਾ ਹੈ।
ਇਸ ਤੋਂ ਬਾਅਦ ਪੁਲਿਸ ਨੇ ਘਟਨਾ ਦਾ ਵੀਡੀਓ ਹਾਸਿਲ ਕੀਤਾ।
ਘਟਨਾ ਦਾ ਵੀਡੀਓ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ 'ਤੇ ਵੀ ਵੇਖਿਆ ਜਾ ਸਕਦਾ ਹੈ।
