18.66C Vancouver 18.66C VancouverNov 18, 2024 3:50 PM - The Canadian Press
ਹੈਲੀਫੈਕਸ ਪੁਲਿਸ ਨੇ ਵਾਲਮਾਰਟ ਦੇ ਵਾਕ-ਇਨ ਓਵਨ ਵਿਚ ਮ੍ਰਿਤਕ ਪਾਈ ਗਈ ਪੰਜਾਬੀ ਕੁੜੀ ਦੀ ਮੌਤ ਸ਼ੱਕੀ ਹੋਣ ਤੋਂ ਇਨਕਾਰ ਕੀਤਾ ਹੈ।
ਗੁਰਸਿਮਰਨ ਕੌਰ ਦੀ ਲਾਸ਼ ਇੱਕ ਮਹੀਨਾ ਪਹਿਲਾਂ 19 ਅਕਤੂਬਰ ਦੀ ਰਾਤ ਕਰੀਬ 9.30 ਵਜੇ ਵਾਲਮਾਰਟ ਦੇ ਬੇਕਰੀ ਵਿਭਾਗ ਦੇ ਵਾਕ-ਇਨ ਓਵਨ ਵਿਚ ਮਿਲੀ ਸੀ। ਉਹ ਮਹਿਜ 19 ਸਾਲ ਦੀ ਸੀ ਅਤੇ ਇਸੇ ਸਟੋਰ ਵਿਚ ਉਹ ਆਪਣੀ ਮਾਂ ਨਾਲ ਕੰਮ ਕਰਦੀ ਸੀ।
ਸੋਮਵਾਰ ਨੂੰ ਜਾਰੀ ਅੱਪਡੇਟ ਵਿਚ ਪੁਲਿਸ ਨੇ ਕਿਹਾ ਕਿ ਲੜਕੀ ਦੀ ਮੌਤ ਨੂੰ ਸ਼ੱਕੀ ਨਹੀਂ ਮੰਨਿਆ ਜਾਂਦਾ ਕਿਉਂਕਿ ਜਾਂਚ ਵਿਚ ਕੋਈ ਵੀ ਅਜਿਹਾ ਸਬੂਤ ਨਹੀਂ ਮਿਲਿਆ ਜੋ ਇਸ ਦੇ ਸ਼ੱਕੀ ਹੋਣ ਵੱਲ ਇਸ਼ਾਰਾ ਕਰਦਾ ਹੋਵੇ। ਹੈਲੀਫੈਕਸ ਪੁਲਿਸ ਦੇ ਜਨ ਸੂਚਨਾ ਅਧਿਕਾਰੀ ਕਾਂਸ. ਮਾਰਟਿਨ ਕ੍ਰੋਮਵੈਲ ਨੇ ਕਿਹਾ ਕਿ ਜਾਂਚਕਰਤਾਨੇ ਪਰਿਵਾਰ ਨਾਲ ਮੁਲਾਕਾਤ ਕਰਕੇ ਜਾਣਕਾਰੀ ਸਾਂਝੀ ਕੀਤੀ ਹੈ ਅਤੇ ਸੋਗ ਪ੍ਰਗਟ ਕੀਤਾ ਹੈ।
ਹਾਲਾਂਕਿ, ਪੁਲਿਸ ਨੇ ਇਹ ਖੁਲਾਸਾ ਨਹੀਂ ਕੀਤਾ ਕਿ ਗੁਰਸਿਮਰਨ ਕੌਰ ਨਾਲ ਅਸਲ ਵਿਚ ਕੀ ਹੋਇਆ ਅਤੇ ਉਹ ਓਵਨ ਵਿਚ ਕਿਵੇਂ ਫਸ ਗਈ ਸੀ। 19 ਸਾਲਾ ਗੁਰਸਿਮਰਨ ਕੌਰ ਦਾ ਪਿਛੋਕੜ ਪੰਜਾਬ ਦੇ ਜਲੰਧਰ ਸ਼ਹਿਰ ਤੋਂ ਸੀ। ਉਹ ਅਤੇ ਉਸ ਦੀ ਮਾਂ ਪੀ. ਆਰ. ਲੈ ਕੇ ਹੀ ਕੈਨੇਡਾ ਆਏ ਸਨ।
