16.99C Vancouver 16.99C VancouverDec 9, 2025 2:20 PM - Connect Newsroom - Jasmine Singh
ਬਰੈਂਪਟਨ ਦੇ ਇੱਕ ਮਾਲ ਦੀ ਪਾਰਕਿੰਗ ਲੌਟ ਵਿਚ ਸੋਮਵਾਰ ਇੱਕ ਨੌਜਵਾਨ ਦਾ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ,ਪੀਲ ਪੁਲਿਸ ਮੁਤਾਬਕ, ਸ਼ਾਮ 7 ਵਜੇ ਦੇ ਕਰੀਬ ਹੁਰੋਂਟਾਰੀਓ ਸਟ੍ਰੀਟ ਅਤੇ ਬਾਰਟਲੇ ਬੁੱਲ ਪਾਰਕਵੇਅ ਦੇ ਇਲਾਕੇ ਵਿਚ ਸ਼ਾਪਰਸ ਵਰਲਡ ਦੀ ਪਾਰਕਿੰਗ ਲੌਟ ਵਿਚ ਇੱਕ ਗੱਡੀ 'ਤੇ ਕਈ ਫਾਇਰ ਕੀਤੇ ਗਏ,ਜਿਸ ਵਿਚ 25 ਸਾਲਾ ਨੌਜਵਾਨ ਦੀ ਮੌਤ ਹੋ ਗਈ।
ਪੁਲਿਸ ਨੇ ਮ੍ਰਿਤਕ ਨੌਜਵਾਨ ਦੀ ਪਛਾਣ ਬਰੈਂਪਟਨ ਨਿਵਾਸੀ ਵਜੋਂ ਕੀਤੀ ਹੈ ਪਰ ਉਸ ਦਾ ਅਜੇ ਨਾਮ ਜਨਤਕ ਨਹੀਂ ਕੀਤਾ। ਪੀਲ ਪੁਲਿਸ ਦੇ ਬੁਲਾਰੇ ਮਨਦੀਪ ਖੱਟੜਾ ਨੇ ਕਿਹਾ ਕਿ ਮੌਕੇ ਉਤੇ ਪਹੁੰਚੇ ਔਫੀਸਰ ਨੂੰ ਗੱਡੀ ਦੇ ਅੰਦਰ ਤੱਕ ਪਹੁੰਚ ਪ੍ਰਾਪਤ ਕਰਨ ਲਈ ਇਸ ਦੀ ਵਿੰਡੋ ਤੋੜਨੀ ਪਈ ਪਰ ਨੌਜਵਨ ਨੂੰ ਸੀ.ਪੀ.ਆਰ.ਦੇਣ ਦੇ ਬਾਵਜੂਦ ਉਸ ਦੀ ਜਾਨ ਨਹੀਂ ਬਚਾਈ ਜਾ ਸਕੀ।
ਪੁਲਿਸ ਨੇ ਕਿਹਾ ਕਿ ਸ਼ੱਕੀ,ਔਫੀਸਰ ਦੇ ਪਹੁੰਚਣ ਤੋਂ ਪਹਿਲਾਂ ਹੀ ਮੌਕੇ ਤੋਂ ਭੱਜ ਗਿਆ ਸੀ। ਜਾਂਚਕਰਤਾ ਅਜੇ ਤੱਕ ਸ਼ੱਕੀ ਦਾ ਕੋਈ ਵੇਰਵਾ ਨਹੀਂ ਦੇ ਸਕੇ। ਖੱਟੜਾ ਨੇ ਕਿਹਾ ਕਿ ਇਹ ਘਟਨਾ ਚਿੰਤਾਜਨਕ ਹੈ ਕਿਉਂਕਿ ਇਹ ਇੱਕ ਮਾਲ ਦੇ ਪਾਰਕਿੰਗ ਲੌਟ ਵਿਚ ਵਾਪਰੀ ਅਤੇ ਇਸ ਦੀ ਜਾਂਚ ਦਾ ਜਿੰਮਾ ਪੀਲ ਪੁਲਿਸ ਦੇ ਹੋਮੀਸਾਈਡ ਬਿਊਰੋ ਵਲੋਂ ਸੰਭਾਲਿਆ ਗਿਆ ਹੈ।
