ਨਨਾਈਮੋ 'ਚ ਵਾਂਟਿਡ ਵਿਅਕਤੀ ਦੀ ਭਾਲ 'ਚ ਪੁਲਿਸ ਨੇ ਲੋਕਾਂ ਤੋਂ ਕੀਤੀ ਮਦਦ ਦੀ ਅਪੀਲ

ਨਾਨਾਇਮੋ ਦਾ ਇੱਕ 43 ਸਾਲਾ ਮੁਲਜ਼ਮ ਅਦਾਲਤ ਵਿਚ ਨਿਰਧਾਰਤ ਪੇਸ਼ੀ 'ਤੇ ਪੇਸ਼ ਨਾ ਹੋ ਕੇ ਫਰਾਰ ਹੋ ਗਿਆ ਹੈ, ਜਿਸ ਨੂੰ ਪੁਲਿਸ ਨੇ ਵਾਂਟਿਡ ਦੱਸਦੇ ਹੋਏ ਉਸ ਦਾ ਪਤਾ ਲਗਾਉਣ ਲਈ ਲੋਕਾਂ ਤੋਂ ਸਹਾਇਤਾ ਮੰਗੀ ਹੈ।ਗ੍ਰੈਗਰੀ ਉਰਫ਼ ਡੀਜ਼ਲ ਰਾਵਲਿਨਸਨ ਨੇ ਫਰਵਰੀ ਦੇ ਅਖੀਰ ਵਿਚ ਹੋਈ ਇੱਕ ਘਟਨਾ ਦੇ ਸਿਲਸਿਲੇ ਵਿਚ ਅਦਾਲਤ ਵਿਚ ਪੇਸ਼ ਹੋਣਾ ਸੀ, ਜਿਸ ਵਿਚ ਉਸ 'ਤੇ ਇੱਕ ਵਿਅਕਤੀ ਉੱਪਰ ਹਮਲਾ ਕਰਨ ਅਤੇ ਉਸ ਨੂੰ ਧਮਕੀਆਂ ਦੇਣ ਦਾ ਮਾਮਲਾ ਦਰਜ ਹੈ।

ਨਾਨਾਇਮੋ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਰਾਵਲਿਨਸਨ ਪ੍ਰੋਬੇਸ਼ਨ ਦੀ ਉਲੰਘਣਾ ਅਤੇ ਅਦਾਲਤ ਦੇ ਹੁਕਮਾਂ ਦੀ ਉਲੰਘਣਾ ਦੇ 3 ਮਾਮਲਿਆਂ ਵਿਚ ਵੀ ਵਾਂਟੇਡ ਹੈ। ਰਾਵਲਿਨਸਨ ਇੱਕ ਕਾਕੇਸ਼ੀਅਨ ਹੈ, ਜਿਸ ਦਾ ਕੱਦ 5 ਫੁੱਟ 7 ਇੰਚ, ਵਾਲ ਬ੍ਰਾਊਨ ਅਤੇ ਅੱਖਾਂ ਗ੍ਰੀਨ ਹਨ।

ਉਸ ਦੇ ਦੋਵੇਂ ਹੱਥਾਂ 'ਤੇ ਕਈ ਟੈਟੂ ਹਨ ਅਤੇ ਉਸ ਦੀ ਖੱਬੀ ਲੱਤ ਗੋਡੇ ਤੋਂ ਹੇਠਾਂ ਕੱਟੀ ਹੋਈ ਹੈ। ਜਾਂਚਕਰਤਾਵਾਂ ਵਲੋਂ ਉਸ ਦੀ ਸੂਹ ਨਾਨਾਇਮੋ ਆਰ.ਸੀ.ਐਮ.ਪੀ. ਨੂੰ ਦੇਣ ਦੀ ਅਪੀਲ ਕੀਤੀ ਗਈ ਹੈ।